ପ୍ରେମ କରି ନେଇଗଲେ, ଏବେ ଚରିତ୍ରକୁ ସନ୍ଦେହ କରି ଛାଡ଼ିଦେଲେ
ସମ୍ବଲପୁର : ସଦର ଥାନା ପୁଲିସ ମଙ୍ଗଳବାର ରାତି ଜଣେ ଯୁବତୀଙ୍କୁ ମାନେଶ୍ବର ମନ୍ଦିର ନିକଟରୁ ଉଦ୍ଧାର କରିଥିଲା। ପଚରା ଉଚରା ପରେ ଯୁବତୀଙ୍କ କାହାଣୀ ପଦାକୁ ଆସିଥିଲା। ଯୁବତୀଙ୍କୁ ବର୍ତ୍ତମାନ ୨୧ ବର୍ଷ। ୩ ବର୍ଷ ତଳେ ସେ ନାବାଳିକା ଥିବା ବେଳେ ଯୁଯୁମୁରା ଝାଙ୍କରପାଲିର ଜଣେ ପୁଅକୁ ପ୍ରେମ କରି ଘର ଛାଡ଼ି ଚାଲିଯାଇଥିଲେ। ବିବାହ ମଧ୍ୟ କଲେ। ସବୁ କିଛି ଠିକ୍ ଚାଲିଥିଲା। କିଛି ମାସ ହେବ ତାଙ୍କ ଚରିତ୍ରକୁ ସନ୍ଦେହ କରି ସ୍ବାମୀ-ସ୍ତ୍ରୀଙ୍କ ମଧ୍ୟରେ ଝଗଡ଼ା ଆରମ୍ଭ ହୋଇଥିଲା। ଝଗଡ଼ା ହେବା ପରେ ସେ ଘର ଛାଡ଼ି ମାସେ ତଳେ ତାଙ୍କ ମା’ଙ୍କ ଘରକୁ ଚାଲି ଆସିଥିଲେ।
Sambad is now on WhatsApp
Join and get latest news updates delivered to you via WhatsApp
ତେବେ ସେ ମଙ୍ଗଳବାର ତାଙ୍କ ସ୍ବାମୀଙ୍କ ପାଖକୁ ଯାଉଥିବା ବେଳେ ରାତି ହୋଇଯିବାରୁ ମାନେଶ୍ବର ମନ୍ଦିରରେ ରହିଯିବାକୁ ଚିନ୍ତା କରିଥିଲେ। ତାଙ୍କୁ ଅସହାୟ ଅବସ୍ଥାରେ ଦେଖି କିଛି ଲୋକ ପୁଲିସକୁ ସୂଚନା ଦେଇଥିଲେ। ସୂଚନା ପାଇବା ପରେ ପୁଲସ ତାଙ୍କୁ ଉଦ୍ଧାର କରିଥିଲା। ତେବେ ତାଙ୍କ ସ୍ବାମୀ ତାଙ୍କୁ ଆଉ ରଖିବେ ନାହିଁ ବୋଲି କହୁଛନ୍ତି।