ଭୁବନେଶ୍ବର : ଆର ଥରକୁ ମୁଁ ଆଉ ନିର୍ବାଚନ ଲଢ଼ିବିନି। ମତେ ଏବେ ୭୯ବର୍ଷ ହେଲାଣି। ୨୦୨୪ ନିର୍ବାଚନ ବେଳକୁ ମତେ ୮୦ ହୋଇ ସାରିଥିବ। ତେଣୁ ଆର ନିର୍ବାଚନରେ ମୋର ସାନପୁଅ ମନ୍ମଥ ରାଉତରାୟ ଜଟଣୀରୁ କଂଗ୍ରେସ ଦଳରୁ ପ୍ରାର୍ଥୀ ହେବ ବୋଲି ଗଣମାଧ୍ୟମରେ ଘୋଷଣା କରିଛନ୍ତି ବିଧାୟକ ସୁର ରାଉତରାୟ।
Sambad is now on WhatsApp
Join and get latest news updates delivered to you via WhatsApp
ଶ୍ରୀ ରାଉତରାୟ କହିଛନ୍ତି ଯେ କଂଗ୍ରେସ ଦଳ ୱାନ୍ ଫ୍ୟାମିଲି, ୱାନ୍ ଟିକେଟ୍ ନୀତିରେ ଆଗେଇବାକୁ ଯାଉଛି। ଏ ଦୃଷ୍ଟିରୁ ମୋର ସାନପୁଅ ଆସନ୍ତା ନିର୍ବାଚନରେ ପ୍ରାର୍ଥୀ ହେବ। ମୁଁ ପୂର୍ବରୁ ବି ଘୋଷଣା କରିଥିଲି, ଏବେ ବି ସେୟା ଘୋଷଣା କରୁଛି। ସେ ଏବେ ଏୟାର ଇଣ୍ଡିଆରେ କ୍ୟାପଟେନ୍ ଭାବେ ଅବସ୍ଥାପିତ। ଆଗକୁ ଯଦିଓ ସକ୍ରୀୟ ରାଜନୀତିରେ ରହିବି ନାହିଁ କିନ୍ତୁ ମୃତ୍ୟୁ ପର୍ଯ୍ୟନ୍ତ ଜନସାଧାରଣ ଓ କଂଗ୍ରେସ ପାଇଁ କାମ କରିବି। ସେ ଆହୁରି ମଧ୍ୟ କହିଛନ୍ତି ଯେ ତାଙ୍କ ବଡ଼ପୁଅ ଏବେ ଏଭରେଷ୍ଟ ଚଢ଼ିବା ଜାରି ରଖିଛନ୍ତି। ବର୍ତମାନ ସୁଦ୍ଧା ୮ହଜାର ୨ଶହ ଫୁଟ୍ ଚଢ଼ି ସାରିଲାଣି। ଆଉ ୬ଶହ ଫୁଟ୍ ବାକି ରହିଛି। ଆସନ୍ତା ୧୫ତାରିଖରେ ଏଭରେଷ୍ଟ ଉପରେ ଜାତୀୟ ପତାକା ଉଡ଼ାଇବାକୁ ଲକ୍ଷ୍ୟ ରଖଥିବା ସୁର କହିଛନ୍ତି।