ଭବାନୀପାଟଣା : ଭବାନୀପାଟଣା ସହର ନିକଟସ୍ଥ ଶ୍ରୀକୃଷ୍ଣ ନଗର ସମ୍ମୁଖରେ ଥିବା ଏକ ସୋରୁମରେ ମାର୍ବଲ ପ୍ଲେଟ ଗାଡିରୁ ଅନଲୋଡ଼ କରୁଥିବା ବେଳେ ଚାପି ହୋଇ ଜଣେ ଯୁବକଙ୍କ ମୃତ୍ୟୁ ହେବା ଘଟଣା ଏଠାରେ ଚର୍ଚ୍ଚାର ବିଷୟ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ସୂତ୍ରରୁ ପ୍ରକାଶ ଯେ, ଆଜି ସନ୍ଧ୍ୟାରେ ଭବାନୀପାଟଣା ସହର ନିକଟସ୍ଥ ଶ୍ରୀକୃଷ୍ଣ ନଗର ନିକଟରେ ଥିବା ଏକ ସୋରୁମରେ ଗାଡିରୁ ମାର୍ବଲ ପ୍ଲେଟ ଅନଲୋଡ଼ କରୁଥିବା ବେଳେ ଜଣେ ଶ୍ରମିକ ଚାପି ହୋଇ ମୃତ୍ୟୁବରଣ କରିଛନ୍ତି । ମୃତ ଯୁବକ ଜଣକ ଭବାନୀପାଟଣା ସଦର ଥାନା ଅନ୍ତର୍ଗତ କୁଳିଆମାଲ ପଞ୍ଚାୟତର କଛାର ପଦର ଗ୍ରାମର ରୋହିତ ନାଏକ(୨୫) ବୋଲି ଜଣାପଡିଛି । ଅନ୍ୟ ଜଣେ ଶ୍ରମିକ ଗୋଲାମୁଣ୍ଡା ବ୍ଲକର ଗିରିଣ୍ଡଳ ଗ୍ରାମର ଉଦିତ କୁମାର ଚନ୍ଦନୀ(୨୮) ଆହତ ହୋଇଛନ୍ତି ।
ଖବର ପାଇ ସଦର ଥାନା ପୁଲିସ ଘଟଣାସ୍ଥଳରେ ପହଞ୍ଚି ମୃତ ଶ୍ରମିକ ରୋହିତ ନାଏକଙ୍କ ଶବକୁ ଉଦ୍ଧାର କରିଥିଲେ । ଏନେଇ ପୁଲିସ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରି ରଖିଛନ୍ତି । ସୋରୁମ ମାଲିକଙ୍କ ପକ୍ଷରୁ ମୃତ ରୋହିତ ନାଏକଙ୍କ ପତ୍ନୀ ସିତୟା ନାଏକଙ୍କୁ ଅଢେଇ ଲକ୍ଷ ଟଙ୍କାର ସହାୟତା ରାଶି ଚେକ ପ୍ରଦାନ କରିଥିବା ପୁଲିସ କହିଛି । ଆସନ୍ତାକାଲି ଶବ ବ୍ୟବଚ୍ଛେଦ କରାଯିବ ବୋଲି ପୁଲିସ କହିିଛି।