ସାପ କାମୁଡ଼ାରେ ଯୁବକ ମୃତ

ତେଲକୋଇ: ସାପ କାମୁଡ଼ାରେ ତେଲକୋଇ ଥାନା କରମଙ୍ଗି ପଞ୍ଚାୟତ ଭଗାମୁଣ୍ଡା ସାହିର ଶ୍ରୀକାନ୍ତ ନାୟକ (୨୦)ଙ୍କ ମୃତ୍ୟୁ ଘଟିଛି। ଗତକାଲି ରାତିରେ ଘର  ଅଗଣାରେ ଶୋଇଥିବା ଶ୍ରୀକାନ୍ତଙ୍କ ହାତକୁ ଏକ ଚିତିସାପ କାମୁଡ଼ିଥିଲା। ଏ ସମ୍ପର୍କରେ ସେ ପରିବାର ଲୋକଙ୍କୁ କହିଥିଲେ। ପରିବାର ଲୋକେ ସାପଟିକୁ ଆଣି ଏକ ପାତ୍ରରେ ରଖିଥିଲେ।

ପରେ ଆମ୍ବୁଲାନ୍ସକୁ ଖବର ଦେଇଥିଲେ। ଆମ୍ବୁଲାନ୍ସ ଆସିବାରେ ବିଳମ୍ବ ହେବାରୁ ଏକ ବାଇକ୍‌ ଯୋଗେ ତେଲକୋଇ ସ୍ୱାସ୍ଥ୍ୟକେନ୍ଦ୍ରକୁ ଅଣାଯାଉଥିଲା। ଅଧାରାସ୍ତାରୁ ୧୦୮ ଆମ୍ବୁଲାନ୍ସ ଯୋଗେ ଡାକ୍ତରଖାନା ଅଣାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି। ଏନେଇ ତେଲକୋଇ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବ ଜବତ କରିଛି।