କାଠଫାଳିଆରେ ପିଟି ଓ ପଥରରେ ଛେଚି ଯୁବକକୁ ହତ୍ୟା
ବ୍ରହ୍ମପୁର: ଗଞ୍ଜାମ ଜିଲ୍ଲାର ଖଲିକୋଟ ଥାନା ଅନ୍ତର୍ଗତ କେଶପୁରରେ ଜଣେ ଯୁବକଙ୍କୁ ହତ୍ୟା ଘଟଣା ଚାଞ୍ଚଲ୍ୟ ଖେଳାଇ ଦେଇଛି । ମିଳିଥିବା ସୂଚନ ଅନୁସାରେ, ଗଞ୍ଜାମ ଜିଲ୍ଲା ଖଲିକୋଟ ଥାନା ଅନ୍ତର୍ଗତ କେଶପୁର ନିକଟରେ ଥିବା ନାରାୟଣୀ ପେଟ୍ରୋଲ ପମ୍ପ ଆଗରେ ଗତକାଲି ରାତି ପ୍ରାୟ ୧୦ଟା ସମୟରେ ଏହି ହତ୍ୟାକାଣ୍ଡ ଘଟିଥିବା ଜଣାଯାଇଛି ।
Sambad is now on WhatsApp
Join and get latest news updates delivered to you via WhatsApp
ସେଠାରେ କେଶପୁର ନିକଟରେ ଥିବା ନୂଆ ଲୁଙ୍ଘୁର ଗାଁର ଜଣେ ଯୁବକ ଶଙ୍କର ପହାନଙ୍କୁ ପିଟି ପିଟି ଅତି ନିର୍ମମ ଭାବେ ହତ୍ୟା କରାଯାଇଥିବା ଅଭିଯୋଗ ହୋଇଛି । ରାତିରେ କିଛି ଦୁର୍ବୃତ୍ତ ଆସି ଶଙ୍କରଙ୍କୁ କାଠ ଫାଳିଆରେ ଆକ୍ରମଣ କରିଥିଲେ । ତାପରେ ତାଙ୍କ ମୁଣ୍ଡକୁ ପଥରେ ଛେଚି ଦେଇଥିବା କୁହାଯାଉଛି।ଫଳରେ ଘଟଣାସ୍ଥଳରେ ହିଁ ଶଙ୍କର ପହାନଙ୍କର ମୃତ୍ୟୁ ଘଟିଛି । ମୃତକ ଶଙ୍କର ପହାନଙ୍କ ବୟସ ୨୫ ବର୍ଷ ବୋଲି ଜଣାଯାଇଛି।
ଖବରପାଇ ଘଟଣାସ୍ଥଳରେ ଖଲିକୋଟ ପୁଲିସ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଥିବା ଜଣାଯାଇଛି । ତେବେ ହତ୍ୟାର ଅସଲ କାରଣ ଏଯାବତ୍ ଜଣାପଡ଼ିନାହିଁ।