ପଦ୍ମପୁର : ବଲାଙ୍ଗୀରରୁ ଛତିଶଗଡ଼ ପଟକୁ ଆସୁଥିବା ଏକ ଟ୍ରକ୍‌ରୁ ପଦ୍ମପୁର ଅବକାରୀ ବିଭାଗ ୨ ଶହ କେଜି ‌ଗଂଜେଇ ଜବତ କରିଛି। ଅବକାରୀ ଥାନାଧିକାରୀ ହେମକାନ୍ତ ସୁନା ଓ ସହକର୍ମୀମାନେ ସନ୍ଦେହରେ ଉକ୍ତ ଟ୍ରକ୍‌ (ଏମ୍‌ପି-୦୯ଏଚ୍‌ଜି-୭୩୧୪)କୁ ଅଟକାଇବାକୁ ଚେଷ୍ଟା କରୁଥିଲେ। ତା ପୂର୍ବରୁ ଡ୍ରାଇଭର ଟ୍ରକ୍‌ ଛାଡି ଫେରାର ହୋଇଯାଇଥିଲା। ଅବକାରୀ କର୍ମଚାରୀମାନେ ଟ୍ରକ୍‌ରୁ ତଲାସୀ କରିବା ବେଳେ କାଗଜ କାଟୁନ ସହ ୨୦୦ କେଜି ଗଞ୍ଜେଇ ପାଇଥିଲେ। ଯାହାର ଆନୁମାନିକ ମୂଲ୍ୟ ପ୍ରାୟ ୫ ଲକ୍ଷ ଟଙ୍କା ହେବ ବୋଲି ଅବକାରୀ ଥାନାଧିକାରୀ ଶ୍ରୀ ସୁନାଙ୍କଠାରୁ ପ୍ରକାଶ।