ପୁଲୱାମାରେ ଗ୍ରେନେଡ଼ ବିସ୍ଫୋରଣ, ୧୨ଆହତ
ଶ୍ରୀନଗର: ପୁଲୱାମାରେ ଆତଙ୍କବାଦୀଙ୍କ ଗ୍ରେନେଡ଼ ବିସ୍ଫୋରଣରେ ୧୨ଜଣ ସାଧାରଣ ନାଗରିକ ଆହତ ହୋଇଛନ୍ତି | ଆତଙ୍କବାଦୀମାନେ ସୁରକ୍ଷା ବାହିନୀ ଉପରକୁ ଟାର୍ଗେଟ କରି ଗ୍ରେନେଡ଼ ମାଡ଼ କରୁଥିବା ବେଳେ ଏହା ପୁଲୱାମାର ଏକ ଜନଗହଳିପୂର୍ଣ୍ଣ ରାସ୍ତାରେ ଫାଟିଥିଲା | ଫଳରେ ଏହି ବିସ୍ଫୋରଣରେ ସେଠାରେ ଉପସ୍ଥିତ ଥିବା ୧୨ଜଣ ଲୋକ ଆହତ ହୋଇଛନ୍ତି | ପୁଲୱାମା ଜିଲ୍ଲାର ଚୌକ କାକାପୋରା ଅଞ୍ଚଳରେ ଏହି ଘଟଣା ଘଟିଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଜ୍ଞାତ ଆତଙ୍କବାଦୀମାନେ ଚୌକ କାକାପୋରାରେ ଅବସ୍ଥାପିତ ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ (ସିଆରପିଏଫ) ର ଏକ ଦଳ ଉପରେ ଆକ୍ରମଣ କରିବାକୁ ଚେଷ୍ଟା କରୁଥିଲେ। କିନ୍ତୁ ସେମାନଙ୍କ ଗ୍ରେନେଡ ଟାର୍ଗେଟରେ ବିସ୍ଫୋରଣ ନହୋଇ ଜନଗହଳିପୂର୍ଣ୍ଣ ରାସ୍ତାରେ ବିସ୍ଫୋରଣ ହୋଇଥିଲା।
ତେବେ ଏ ମଧ୍ୟରେ ଏକାଧିକ ଥର ଆତଙ୍କବାଦୀମାନେ ଲୁଚି ରହି ସୁରକ୍ଷା ବାହିନୀ ଉପରକୁ ଆକ୍ରମଣ କରିଛନ୍ତି | ଭାରତର ଅନେକ ଯବାନ ଏହି ଆକ୍ରମଣର ଶିକାର ହୋଇ ସହିଦ ହୋଇଥିବା ବେଳେ ଅନେକ ଆତଙ୍କବାଦୀଙ୍କୁ ମଧ୍ୟ ନିପାତ କରିଛି ଭାରତୀୟ ସେନା |