ନୂଆଦିଲ୍ଲୀ: ଚର୍ଚ୍ଚାରେ ଭିଏନାର ୮୦ବର୍ଷୀୟ ବୃଦ୍ଧ। ସେ ରଖିଥିବା ବ୍ରାଣ୍ଡେଡ କାର ପୋର୍ଶ ପାଇଁ ତାଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଛି। ଗୋଟେ କି ଦୁଇଟା ନୁହେଁ ୮୦ବର୍ଷୀୟ ଅଟୋକାରଙ୍କ ପାଖରେ ରହିଛି ୮୦ଟି ପୋର୍ଶ କାର। ନିଜର କାର ପାଇଁ ସେ ଏକ ସ୍ବତନ୍ତ୍ର ଗ୍ୟାରେଜ କରିଛନ୍ତି, ଯେଉଁଠି ପୋର୍ଶର ଭିନ୍ନ ଭିନ୍ନ ସିରିଜର କାର ରହିଛି।
Sambad is now on WhatsApp
Join and get latest news updates delivered to you via WhatsApp
ଅଟୋକାରଙ୍କ ମୁତାବକ, ୫୦ବର୍ଷ ତଳେ ସେ ନିଜ ପ୍ରଥମ ପୋର୍ଶ କାର କିଣିଥିଲେ। ଥରେ ତାଙ୍କ ଘର ଆଗରେ ପୋର୍ଶ କାର ଯାଉଥିବା ଦେଖିବା ପରେ ସେ ଏହି କାର କିଣିବାକୁ ମନସ୍ତ କରିଥିଲେ।
ପରେ ଧୀରେ ଧୀରେ ସେ ଟଙ୍କା ସଞ୍ଚୟ କରି ପୋର୍ଶ କାର କିଣିବା ଆରମ୍ଭ କରିଥିଲେ। ଏବେ ତାଙ୍କ ପାଖରେ ୮୦ଟି ପୋର୍ଶ କାର ରହିଛି। କାର ରଖିବା ପାଇଁ ସେ ଏକ ସ୍ବତନ୍ତ୍ର ଗ୍ୟାରେଜ ତିଆରି କରିଥିବା ବେଳେ ନିଜର ଏକାଧିକ ସମୟ ସେ ସେଠାରେ କଟାଉଥିବା କହିଛନ୍ତି।