ଡାକ୍ତର କହିଲେ ନେବି, ଟ୍ରମ୍ପ କହିଲେ ମୁଁ କରୋନା ଟିକା ନେବି ନାହିଁ: କମଳା ହାରିସ୍
ନୂଆଦିଲ୍ଲୀ: ଗୁରୁବାର ଦିନ ଆମେରିକା ନିର୍ବାଚନକୁ ନେଇ ଉପରାଷ୍ଟ୍ରପତିଙ୍କ ମଧ୍ୟରେ ବିତର୍କ ହୋଇଥିଲା। ବର୍ତ୍ତମାନର ଉପରାଷ୍ଟ୍ରପତି ମାଇକ୍ ପେନ୍ସ ଏବଂ ଡେମୋକ୍ରାଟିକ୍ ଦଳର ଉପରାଷ୍ଟ୍ରପତି ପ୍ରାର୍ଥୀ କମଳା ହାରିସ୍ ମଧ୍ୟରେ ପ୍ରାୟ ୯୦ମିନିଟ୍ ଧରି ବିତର୍କ ଚାଲିଥିଲେ, ଯେଉଁଥିରେ ଦୁଇ ନେତା ଅନେକ ପ୍ରସଙ୍ଗରେ ମୁହାଁମୁହିଁ ହୋଇଥିଲେ। କମଳା ହାରିସଙ୍କ ତରଫରୁ ଟ୍ରମ୍ପ ପ୍ରଶାସନ କରୋନା ସଙ୍କଟର ମୁକବିଲା କରିବାରେ ସମ୍ପୂର୍ଣ୍ଣ ଅସଫଳ ବୋଲି କହିଥିଲେ କମଳା ହାରିସ ।
Sambad is now on WhatsApp
Join and get latest news updates delivered to you via WhatsApp
କମଳା ହାରିସଙ୍କ ପକ୍ଷରୁ ଅଭିଯୋଗ କରାଯାଇଥିଲା ଯେ, ଟ୍ରମ୍ପ ପ୍ରଶାସନ ଜାନୁଆରୀରେ କରୋନା ସଙ୍କଟ ବିଷୟରେ ଜାଣିଥିଲେ ମଧ୍ୟ ଦେଶକୁ କିଛି କହିନଥିଲେ। ଯେଉଁଥିରେ ଦୁଇ ଲକ୍ଷରୁ ଅଧିକ ଲୋକଙ୍କୁ ପ୍ରାଣ ହରାଇବାକୁ ପଡ଼ିଲା। ଏହାର ଜବାବରେ ମାଇକ ପେନ୍ସଙ୍କୁ କହିଥିଲେ ଯେ, ଟ୍ରମ୍ପ ପ୍ରଥମେ ଚାଇନାକୁ ବିମାନ ଚଳାଚଳ ବନ୍ଦ କରିଦେଇଥିଲେ ଏବଂ ପରେ ଦେଶରେ କରୋନା ସହିତ ଲଢ଼ିବା ପାଇଁ ପ୍ରସ୍ତୁତି ଉପରେ ଜୋର ଦେଇଥିଲେ।
ତେବେ ଟିକା ଲଗାଇବେ ନା ନାହିଁ ବୋଲି କମଳାଙ୍କୁ ହୋଷ୍ଟ ପ୍ରଶ୍ନ କରିବା ପରେ ସେ ଉତ୍ତର ରଖିଥିଲେ ଯେ, ଯଦି ଡାକ୍ତର କହିବେ ତେବେ ନେବି, କିନ୍ତୁ ଟ୍ରମ୍ପ କହିଲେ ମୁଁ ଟିକା ନେବି ନାହିଁ।