ବ୍ୟାଙ୍କ ଅଫ୍ ବରୋଦା ଓ ଆଇସିଆଇସିଆଇ ବ୍ୟାଙ୍କ ଆରମ୍ଭ କଲେ ନୂଆ ଜମା ଖାତା, ମିଳିବ ଆମାଜନ୍ର ଗିଫ୍ଟ କାର୍ଡର୍
ନୂଆଦିଲ୍ଲୀ: ବ୍ୟାଙ୍କ ଅଫ୍ ବରୋଦା (ବିଓବି) ଓ ଆଇସିଆଇସିଆଇ ବ୍ୟାଙ୍କ ନୂଆ ବର୍ଷରେ ଗ୍ରାହକଙ୍କ ପାଇଁ ଦୁଇ ପ୍ରକାରର ଜମା ଖାତା ଆଣିଛନ୍ତି । ବିଓବି ମହିଳା ଓ ବରିଷ୍ଠ ନାଗରିକଙ୍କ ପାଇଁ ଜମା ଖାତା ଆରମ୍ଭ କରିଛି। ଅନ୍ୟପଟେ ଆଇସିଆଇସିଆଇ ବ୍ୟାଙ୍କ ସାଧାରଣ ଲୋକଙ୍କ ପାଇଁ ପ୍ରିମିୟମ୍ ଜମା ଖାତା ଆରମ୍ଭ କରିଛି ।
Sambad is now on WhatsApp
Join and get latest news updates delivered to you via WhatsApp
ବିଓବି ଜମା ଖାତାରେ ଗ୍ରାହଙ୍କୁ ମିଳିବ ଏହି ସୁବିଧା
ବିଓବି ଦୁଇ ପ୍ରକାର ଖାତା ଆରମ୍ଭ କରିଛି। ଗୋଟେ ବରିଷ୍ଠ ନାଗରିକଙ୍କ ପାଇଁ ଓ ଅନ୍ୟଟି ମହିଲା ଶକ୍ତି ଜମା ଖାତା । ଏହି ଦୁଇଟି ଖାତାରେ ଜମାକାରୀମାନେ ବ୍ୟାଙ୍କ ଲକର ଲାଗି ରିହାତି ପାଇବା ସହ ଲୋନ୍ ପ୍ରୋସେସିଂ ଫିରେ ମଧ୍ୟ ରିହାତି ପାଇବେ । ଡେବିଟ କାର୍ଡ ଓ କ୍ରେଡିଟ୍ କାର୍ଡରେ ମଧ୍ୟ ସ୍ବତନ୍ତ୍ର ରିହାତି ମିଳିବ ।
ଆଇସିଆଇସିଆଇ ଖାତାରେ କଣ ରହିଛି ସୁବିଧା
ଅନ୍ୟପଟେ ଆଇସିଆଇସିଆଇ ବ୍ୟାଙ୍କ ୱାନ୍ ପ୍ରିମିୟମ୍ ଜମା ଖାତା ଆରମ୍ଭ କରିଛି । ଏହି ଖାତାର ନାମ ରହିଛି ଦ ୱାନ୍, ଏଥିରେ ଚାକିରି କରୁଥିବା ଓ ବ୍ୟବସାୟ କରୁଥିବା ଲୋକ ବିଭିନ୍ନ ସୁବିଧା ପାଇ ପାରିବେ ।
ଏଥିରେ ମାଗନମ୍ ଓ ଟାଇଟନିୟମ୍ ନାମରେ ଦୁଇ ପ୍ରକାର ଖାତା ରହିଛି । ଏହି ଖାତାରେ ଡେବିଟ କାର୍ଡ ସହ ଆର୍ଥିକ ସୁରକ୍ଷା ପ୍ରଦାନ କରିଛି ବ୍ୟାଙ୍କ। ଅନ୍ୟପଟେ ଏଥିରେ ସ୍ବାସ୍ଥ୍ୟ ଓ ଜୀବନବୀମା ମଧ୍ୟ ମିଳିଥାଏ । ଏହାର ଗ୍ରାହକକୁ ଲୋନ୍ ପ୍ରୋସେସିଂ ଫିରେ ରିହାତି, ଡେବିଟ୍ କାର୍ଡ ସହ ଆମାଜନ୍ ଗିଫ୍ଟ କାର୍ଡ ମଧ୍ୟ ମିଳିଥାଏ । ଟାଇଟନିୟମ୍ ଆକାଉଣ୍ଟଧାରୀଙ୍କୁ ୧ ବର୍ଷ ଜୋମାଟୋ ଗୋଲ୍ଡର ଫ୍ରି ସବ୍ସକ୍ରିପ୍ସନ୍ ମଧ୍ୟ ମିଳିବ । ଦି ୱାନ୍ ଖାତାର ମୁଖ୍ୟ ଫାଇଦା ହେଲା ଏହାର ଏଟିଏମ୍ କାର୍ଡରେ ଆପଣ ଆଇସିଆଇସିଆଇ ବ୍ୟାଙ୍କ ସହ ଅନ୍ୟ ବ୍ୟାଙ୍କରୁ ମଧ୍ୟ ଅନଲିମିଟେଡ ଫ୍ରି NEFT ଓ RTGS ଅନ୍ଲାଇନ ଚାଲାଣ କିମ୍ବା ଇଣ୍ଟରନେଟ ବ୍ୟାଙ୍କିଙ୍ଗ୍ ବ୍ୟବହାର କରିପାରିବେ । ବାର୍ଷିକ ଲକର ଭଡାରୁ ୪୦% ରିହାତି ମଧ୍ୟ ମିଳିବ । ଯଦି ଏହି ଆକାଣ୍ଟରେ ଆପଣ ଗ୍ରୁପ୍ ସ୍ବାସ୍ଥ ବୀମା ନେବେ ତା’ହାଲେ ଏଥିରେ ଆପଣଙ୍କ ‘OPD, day care and surgery’ର ସୁବିଧା ମିଳିବ । ମାଗଣା ଡେବିଟ୍ କାର୍ଡ ସହ ବିମାନ ଦୁର୍ଘଟଣାରେ ୪୦ ଲକ୍ଷ ଟଙ୍କା ପର୍ଯ୍ୟନ୍ତ ବୀମା ମିଳିବ । ଟାଇଟନିୟମ୍ ଦୁର୍ଘଟଣା ବୀମା ୧୦ ଲକ୍ଷ ଓ ମାଗନମରେ ଦୁର୍ଘଟଣା ବୀମା ୫ ଲକ୍ଷ ଟଙ୍କା ମିଳିବ।
ଏହି ଖାତାରେ ବଡ଼ ସହରର ଲୋକଙ୍କୁ ମିନିମମ୍ ବାଲାନ୍ସ ୩୦୦୦ ଟଙ୍କ ଜମା ରାଶି ରଖିବାକୁ ପଡିବ । ଛୋଟ ସହରର ଲୋକଙ୍କ ପାଇଁ ୨୦୦୦ ଟଙ୍କା ଓ ଗାଁ ଲୋକଙ୍କ ପାଇଁ ଜମା ଖାତାରେ ୧୦୦୦ ଟଙ୍କା ମିନିମମ୍ ବାଲାନ୍ସ ରଖିବାକୁ ପଡିବ ।