ସ୍କିପିଂ ଦ୍ୱାରା ମୋଟାପା କମିଥାଏ, ଆଣ୍ଠୁଗଣ୍ଠି ଯନ୍ତ୍ରଣାରୁ ମୁକ୍ତି ମିଳେ
ନୂଆଦିଲ୍ଲୀ : ବର୍ତ୍ତମାନ ସୁସ୍ଥ ରହିବା ପାଇଁ ଅଧିକାଂଶ ସହଜ ଉପାୟ ଖୋଜୁଛନ୍ତି। ତେବେ ପିଲା ବେଳର ଖେଳରେ ମଧ୍ୟ ଏପରି ଅନେକ ଜିନିଷ ସାମିଲ ରହିଥାଏ, ଯାହା ଦ୍ୱାରା ଆପଣ ସୁସ୍ଥ ରହିପାରିବେ । ତାହା ମଧ୍ୟରୁ ଗୋଟିଏ ହେଉଛି ଦୌଡ଼ି ଡ଼େଇଁବା ବା ସ୍କିପିଂ । ତେବେ ଆପଣ ଜାଣିଛନ୍ତି କି ଦୈନିକ ଦୌଡ଼ି ଡ଼େଇଁବା ଦ୍ୱାରା ଆପଣଙ୍କର ଅନେକ ଶାରୀରିକ ସମସ୍ୟା ଦୂର ହୋଇପାରିବ । ପ୍ରତିଦିନ ଦୌଡ଼ି ଡ଼େଇଁବା ଦ୍ୱାରା ମାଂସପେଶୀୟ ସମସ୍ୟାର ଉପଚାର ହୋଇଥାଏ । ଆସନ୍ତୁ ଜାଣିବା ଦୌଡ଼ି ଡ଼େଇଁବାର ବିଭିନ୍ନ ଉପାଦେୟତା ବିଷୟରେ ।
Sambad is now on WhatsApp
Join and get latest news updates delivered to you via WhatsApp
ଆଜିକାଲି ପ୍ରାୟତଃ ସମସ୍ତଙ୍କ ପାଖରେ ମେଦ ବହୁଳତା ସମସ୍ୟା ଦେଖିବାକୁ ମିଳୁଛି। ଓଜନ କମ କରିବା ଏବଂ ମେଦ ହ୍ରାସ କରିବା ପାଇଁ ସାଧାରଣତଃ ସମସ୍ତେ ଡ଼ାଏଟିଂ କରିବା ସହ ଜିମ୍ ଯାଉଥିବାର ଦେଖାଯାଉଛନ୍ତି । ତେବେ ଓଜନ କମ କରିବାର ସବୁଠାରୁ ସରଳ ଉପାୟ ହେଉଛି ଦୌଡ଼ି ଡ଼େଇଁବା । ନିୟମିତ ସକାଳେ ୧୫ ମିନିଟ ଦୌଡ଼ି ଡ଼େଇଁଲେ ବହୁ କମ ଦିନରେ ଦେଖିବେ ଆପଣଙ୍କର ମେଦ ହ୍ରାସ ହୋଇଯିବ ।
ଦୌଡ଼ି ଡ଼େଇଁବା ଦ୍ୱାରା ଆଣ୍ଠୁଗଣ୍ଠି ଯନ୍ତ୍ରଣାରୁ ରକ୍ଷା ମିଳିଥାଏ । ଏହା ସହ ଦୈନିକ ଦୌଡ଼ି ଡ଼େଇଁବା ଦ୍ୱାରା ଗୋଇଠି ଶକ୍ତ ହୋଇଥାଏ । କିନ୍ତୁ କେବେ ମଧ୍ୟ ଭୁଲରେ ଅଧିକ ଜୋରରେ ଦୌଡ଼ି ଡ଼ିଅଁନ୍ତୁ ନାହିଁ । ଏହା ଦ୍ୱାରା ମାଂସପେଶୀ ଉପରେ ଖରାପ ପ୍ରଭାବ ପଡ଼ିବାରେ ।
ଶିଶୁମାନଙ୍କର ବୟସ ଅନୁଯାୟୀ ଉଚ୍ଚତା ବୃଦ୍ଧି ହୋଇ ନ ଥାଏ । ଯାହା ଫଳରେ ତାଙ୍କର ମାତାପିତା ଉଚ୍ଚତା ବଢ଼ାଇବା ପାଇଁ ବିଭିନ୍ନ ପ୍ରକାରର ଔଷଧ ଦେଇଥାନ୍ତି । ତେବେ ଉଚ୍ଚତା ବଢ଼ାଇବା ପାଇଁ ସବୁଠାରୁ ସୁବିଧା ଜନକ ଉପାୟ ହେଉଛି ଦୌଡ଼ି ଡ଼େଇଁବା । ଏହା ଦ୍ୱାରା ହାଡ଼ ମଜବୁତ ହେବା ସହ ଶିଶୁଙ୍କ ଉଚ୍ଚତା ବୃଦ୍ଧି ପାଇଥାଏ ।
ଦୌଡ଼ି ଡ଼େଇଁବା ଦ୍ୱାରା ମାନସିକ ବିଷାଦ ଦୂର ହେବା ସହ ମାନସିକ ଶାନ୍ତି ମିଳିଥାଏ । ଦୌଡ଼ି ଡ଼େଇଁବା ସମୟରେ ହାତର ଆଙ୍ଗୁଠି ଏବଂ ହାତ ବୁଲିଥାଏ ଯାହା ଫଳରେ ରକ୍ତ ସଞ୍ଚାଳନ ସଠିକ ରହିଥାଏ ।