ଦେଶରେ ୧ ଲକ୍ଷ ସ୍ୱାସ୍ଥ୍ୟ ସ୍ବେଛାସେବୀ ସୃଷ୍ଟି କରିବାକୁ ଅଭିଯାନ ଚଳାଇବ ବିଜେପି
ନୂଆଦିଲ୍ଲୀ: ରବିବାର ଦିନ ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା ଦଳର ସାଧାରଣ ସଚିବ ଏବଂ ସାମ୍ମୁଖ୍ୟ ସଭାପତିଙ୍କ ସହ ଏକ ଗୁରୁତ୍ୱପୂର୍ଣ୍ଣ ଦୁଇ ଦିନିଆ ବୈଠକ କରିଛନ୍ତି। ଏହି ବୈଠକ ପରେ ବିଜେପି ନେତା ଭୁପେନ୍ଦ୍ର ଯାଦବ କହିଛନ୍ତି ଯେ ବୈଠକରେ ଦଳର କର୍ମୀଙ୍କ ଦ୍ୱାରା କରାଯାଇଥିବା ‘ସେବା ହିଁ ସଂଗଠନ’ର ବିସ୍ତୃତ ରିପୋର୍ଟ ସଭାପତିଙ୍କ ନିକଟରେ ଉପସ୍ଥାପନା କରାଯାଇଥିଲା । ବର୍ତ୍ତମାନ କରୋନାର ଦ୍ୱିତୀୟ ଲହରୀ କମିଥିବାବେଳେ ଦଳ ନିଷ୍ପତ୍ତି ନେଇଛି ଯେ ଦେଶରେ ଏକ ଲକ୍ଷରୁ ଅଧିକ ସ୍ୱାସ୍ଥ୍ୟ ସ୍ବେଛାସେବୀ ପ୍ରସ୍ତୁତ କରିବା ଅଭିଯାନ ଚଳାଇବେ।
Sambad is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ପ୍ରଧାନମନ୍ତ୍ରୀ ମୋଦୀ ଶନିବାର ବିଜେପିର ମୋର୍ଚ୍ଚା ମୁଖ୍ୟମାନଙ୍କ ସହ ଆଲୋଚନା କରିଥିଲେ। ଏହି ବୈଠକ ପ୍ରାୟ ଚାରି ଘଣ୍ଟା ଧରି ଚାଲିଥିଲା | ଏହି ବୈଠକରେ ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା ଏବଂ ଦଳର ସାଧାରଣ ସମ୍ପାଦକ (ସଂଗଠନ) ବିଏଲ୍ ସନ୍ତୋଷ ମଧ୍ୟ ଉପସ୍ଥିତ ଥିଲେ। କୁହାଯାଉଛି ଯେ, ନିକଟରେ କିଛି ରାଜ୍ୟରେ ହୋଇଥିବା ବିଧାନସଭା ନିର୍ବାଚନର ଫଳାଫଳକୁ ସମୀକ୍ଷା କରାଯାଇଥିଲା। ଆହୁରି ମଧ୍ୟ, ଆଗାମୀ ନିର୍ବାଚନ ବିଷୟରେ ଏକ ସଂକ୍ଷିପ୍ତ ଆଲୋଚନା ହୋଇଥିଲା |
ଏହି ବୈଠକରେ ବିଜେପି ନେତାମାନଙ୍କୁ ସରକାର ଏବଂ ଦଳର ଯୋଜନାକୁ ଲୋକଙ୍କ ନିକଟକୁ ନେବାକୁ କୁହାଯାଇଥିଲା। ଆସନ୍ତା ବର୍ଷ ହେବାକୁ ଥିବା ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଏହି ବୈଠକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି।