ବାତ୍ୟା ପ୍ରଭାବିତ ପରିବାରକୁ ୧ ହଜାର ଲିଟର କିରାସିନି ଯୋଗାଇ ଦେବେ କେନ୍ଦ୍ର ସରକାର
ନୂଆଦିଲ୍ଲୀ/ଭୁବନେଶ୍ୱର: ସାମୁଦ୍ରିକ ଘୂର୍ଣ୍ଣିବାତ୍ୟା ଫନି ପ୍ରଭାବିତ ପରିବାରଗୁଡ଼ିକୁ ମାଗଣାରେ ଏକ ହଜାର ଲିଟର କିରାସିନି ତେଲ ଯୋଗାଇ ଦେବା ନିମନ୍ତେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅନୁରୋଧ ପତ୍ରକୁ ସ୍ୱୀକାର କରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତେଲ ଯୋଗାଇବା ପାଇଁ ବନ୍ଦୋବସ୍ତ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏ ସଂକ୍ରାନ୍ତରେ ଉତ୍ତର ପତ୍ରରେ କେନ୍ଦ୍ରମନ୍ତ୍ରୀ ଲେଖିଛନ୍ତି ଯେ ମୁଖ୍ୟମନ୍ତ୍ରୀଙ୍କ ଅନୁରୋଧକ୍ରମେ ଏକ ହଜାର ଲିଟର କିରାସିନ ବାତ୍ୟା ଦୁର୍ଗତଙ୍କୁ ବିନା ମୂଲ୍ୟରେ ଯୋଗାଇ ଦିଆଯିବ। ହଜାର ଲିଟର କିରାସିନିର ମୂଲ୍ୟ ୩. ୩ କୋଟି ଟଙ୍କା । କେନ୍ଦ୍ର ପେଟ୍ରୋଲିୟମ୍ ମନ୍ତ୍ରାଳୟର ରାଷ୍ଟ୍ରାୟତ ଉଦ୍ୟୋଗ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠି ଅଥବା ରାଜ୍ୟ ତହବିଲକୁ ଯୋଗାଇ ଦେବ।
ଏଥି ସହ ଆହୁରି ୧ ହଜାର ଲିଟର କିରାସିନ ମଧ୍ୟ ରାଜ୍ୟ ସରକାର ସରକାରୀ ବ୍ୟବସ୍ଥାରେ ନେବାକୁ ଅନୁମତି ଦିଆଯାଇଛି ବୋଲି ଶ୍ରୀ ପ୍ରଧାନ ତାଙ୍କ ପତ୍ରରେ ଉଲ୍ଲେଖ କରିଛନ୍ତି।
ସେ କହିଛନ୍ତି, ବାତ୍ୟା ପରେ ରାଜ୍ୟକୁ ଯଥେଷ୍ଟ ପରିମାଣର ପେଟ୍ରୋଲ୍, ଡିଜେଲ୍ ଓ ଏଲ୍ପିଜି ଦିଆଯାଇଛି। ପେଟ୍ରୋଲିୟମ୍ ମନ୍ତ୍ରାଳୟ ଏବଂ ଏହା ଅଧୀନସ୍ଥ ରାଷ୍ଟ୍ରାୟତ ଉଦ୍ୟୋଗସମୂହ ରାଜ୍ୟର ବାତ୍ୟା ପ୍ରଭାବିତ ଅଞ୍ଚଳରେ ରିଲିଫ୍ ପାଇଁ ସବୁ ପ୍ରକାର ସହଯୋଗ ଯୋଗାଇ ଦେବାକୁ ପ୍ରତିଶ୍ରୁତିବଦ୍ଧ।