ଫେସବୁକ୍ ସିଓଓ ବି ହୋଇଥିଲେ ଯୌନ ନିର୍ଯାତନାର ଶିକାର
ଫେସବୁକ ପ୍ରତିଷ୍ଠାତା ମାର୍କ ଜୁକରବର୍ଗଙ୍କ ଭଉଣୀ ରାଣ୍ଡି ଜୁକରବର୍ଗଙ୍କ ତରଫରୁ ଫ୍ଲାଇଟ୍ରେ ଯୌନ ନିର୍ଯାତନା ଅଭିଯୋଗ ପରେ ଆଉ ଏକ ସମାନ ଘଟଣା ସାମନାକୁ ଆସିଛି । ଏହି ଅଭିଯୋଗ କରିଛନ୍ତି ଫେସବୁକର ସିଓଓ ସେରିଲ୍ ସାଣ୍ଡବର୍ଗ । ସେ ବି ଦିନେ ଯୌନ ନିର୍ଯାତନାର ସାମନା କରିଥିଲେ ବୋଲି କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ନିଜର ଏକ ଫେସବୁକ ପୋଷ୍ଟରେ ସେ କହିଛନ୍ତି ଯେ କେତେକ ବିବାହିତ ବ୍ୟକ୍ତି କ୍ୟାରିୟର ପରାମର୍ଶ ଦେବା ବାହାନାରେ ଏହି ଯୌନ ନିର୍ଯାତନା ଦେବାକୁ ଉଦ୍ୟମ କରିଥିଲେ । ସେମାନେ ବିଳମ୍ବିତ ରାତିରେ ଏକୁଟିଆ ଏସବୁ ପରାମର୍ଶ ଦେବାକୁ ପ୍ରସ୍ତାବ ଦେଇଥିଲେ ବୋଲି ସେରିଲ୍ । କିନ୍ତୁ ଏଥିଲାଗି ସେ ମନା କରିବା ସତ୍ତ୍ୱେ ଜଣେ ବ୍ୟକ୍ତି ରାତିରେ ତାଙ୍କ ହୋଟେଲ ରୁମ ପାଖକୁ ଆସି ଜବରଦସ୍ତି ପଶିବାକୁ ଉଦ୍ୟମ କରିଥିଲା । ବାଧ୍ୟ ହୋଇ ତାଙ୍କୁ ହୋଟେଲ ନିରାପତ୍ତା କର୍ମଚାରୀଙ୍କୁ ଡାକିବାକୁ ପଡିଥିଲା । ତେବେ ସୌଭାଗ୍ୟବଶତଃ ତାଙ୍କର କୌଣସି ବସ୍ ଏପରି ବ୍ୟବହାର କରିନାହାନ୍ତି ବୋଲି ସେ କହିଛନ୍ତି । ପୁଣି ଧୀରେ ଧୀରେ ସିନିୟର ହେବା ପରେ ଏସବୁ ଘଟଣା ଆଉ ସେତେଟା ଘଟୁନାହିଁ ବୋଲି ସେ କହିଛନ୍ତି ।
ଆଜିକାଲି ଅଧିକାଂଶ ଅଫିସରେ ଏପରି ଘଟଣା ବେଶ୍ ସାଧାରଣ ହୋଇପଡିଥିବା ସତ୍ତ୍ୱେ ଅନେକ ସଂସ୍ଥାରେ ଏଥିଲାଗି କୌଣସି ସ୍ପଷ୍ଟ ନୀତି ନଥିବା ସେ କହିଛନ୍ତି ।
ଗତ ସପ୍ତାହରେ ମାର୍କ ଜୁକରବର୍ଗଙ୍କ ଭଉଣୀ ରାଣ୍ଡି ଅଭିଯୋଗ କରିଥିଲେ ଯେ ଆଲାସ୍କା ଏୟାର ଗ୍ରୁପରେ ଫ୍ଲାଇଟ୍ରେ ଜଣେ ଯାତ୍ରୀ ତାଙ୍କ ପ୍ରତି ବାରମ୍ବାର ଅଶାଳୀନ ବ୍ୟବହାର କରିଥିଲେ । ସେ ଏ ସଂପର୍କରେ ଫ୍ଲାଇଟ୍ର କର୍ମଚାରୀଙ୍କୁ ଜଣାଇଥିଲେ ମଧ୍ୟ ସେମାନେ କିଛି ଶୁଣି ନଥିଲେ । ବରଂ ଉକ୍ତ ଯାତ୍ରୀଙ୍କୁ ମଦ ପରିବେଷଣ କରିଚାଲିଥିଲେ ।