ରବିନ୍ଦ୍ର ଭାୟକର ଲୋକସଭାରେ ପହଞ୍ଚିବା ନେଇ ଆଶଙ୍କା: ରିଟର୍ଣ୍ଣିଂ ଅଧିକାରୀଙ୍କ ବିରୋଧରେ ଅଭିଯୋଗ ଆଣିଲେ ସଞ୍ଜୟ ରାଉତ

ମୁମ୍ବାଇ: ଶିବସେନା ୟୁବିଟି ନେତା ସଞ୍ଜୟ ରାଉତ ଶିବସେନା ସାଂସଦ ରବୀନ୍ଦ୍ର ଭାୟକରଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି ଯେ ରବିନ୍ଦ୍ର ପୂର୍ବରୁ ଶିବସେନାରେ ଥିଲେ, କିନ୍ତୁ ଇଡି, ସିବିଆଇ ଭୟ ଯୋଗୁଁ ସେ ଦଳ ଛାଡିଥିଲେ। ପ୍ରଥମେ ସେ ତାଙ୍କ ବିରୋଧରେ ଚାଲିଥିବା ଇଡି ମାମଲା ବିଷୟରେ ଆଲୋଚନା କରିବା ଉଚିତ ଏବଂ ଏହାର ତଦନ୍ତ କାହିଁକି ବନ୍ଦ ହେଲା ତାହାର କାରଣ କହିବା ଜରୁରୀ। ଆମେ ଇଭିଏମ୍ ଉପରେ ପ୍ରଶ୍ନ କରିନାହୁଁ, କିନ୍ତୁ ସିଷ୍ଟମ୍ ଉପରେ ପ୍ରଶ୍ନ କରିଛୁ। ଆମେ ରିଟର୍ଣ୍ଣିଂ ଅଧିକାରୀଙ୍କ ଉପରେ ପ୍ରଶ୍ନ ଉଠାଇଛୁ। ରବିନ୍ଦ୍ର ଲୋକସଭାରେ ପହଞ୍ଚିବେ ନାହିଁ।

ରବୀନ୍ଦ୍ର ମୁମ୍ବାଇ ଉତ୍ତର ପଶ୍ଚିମ ଆସନରୁ ମାତ୍ର ୪୮ ଭୋଟରେ ବିଜୟୀ ହୋଇ ଉଦ୍ଧବ ଠାକରେଙ୍କ ଶିବସେନା ପ୍ରାର୍ଥୀ ଆମୋଲ କୀର୍ତ୍ତିକରଙ୍କୁ ପରାସ୍ତ କରିଛନ୍ତି। ତେବେ ଏହି ନିର୍ବାଚନ ଫଳାଫଳ ବିବାଦ ଘେରରେ ରହିଛି। ପ୍ରକୃତରେ, ଆମୋଲ କୀର୍ତ୍ତିକର ଗଣନା କେନ୍ଦ୍ରରେ ଅନିୟମିତତା ହୋଇଥିବା ଅଭିଯୋଗ କରିଛନ୍ତି। ରବୀନ୍ଦ୍ର ଭାୟକରଙ୍କ ଶଳା ମଙ୍ଗେଶ ପାଣ୍ଡିଲକରଙ୍କ ବିରୋଧରେ ମୁମ୍ବାଇ ପୋଲିସ ମଧ୍ୟ ଏକ ମାମଲା ରୁଜୁ କରିଛି।

ଅଭିଯୋଗ ହୋଇଛି ଯେ ଜୁନ୍ ୪ରେ ସାଧାରଣ ନିର୍ବାଚନ ଫଳାଫଳ ଘୋଷଣା ସମୟରେ ମଙ୍ଗେଶ ମୋବାଇଲ୍ ଫୋନ୍ ବ୍ୟବହାର କରୁଥିବା ଦେଖାଯାଇଥିଲା। ତାଙ୍କୁ ମୋବାଇଲ୍ ଫୋନ୍ ଦେଇଥିବାରୁ ନିର୍ବାଚନ ଆୟୋଗ କର୍ମଚାରୀଙ୍କ ବିରୋଧରେ ଏକ ମାମଲା ରୁଜୁ ହୋଇଛି।

ମିଡିଆ ରିପୋର୍ଟରେ ଦର୍ଶାଯାଇଛି ଯେ ମଙ୍ଗେଶଙ୍କ ମୋବାଇଲ୍ ଫୋନ୍ ଇଭିଏମ୍ ମେସିନ୍ ଅନଲକ୍ କରିବା ଏବଂ ଓଟିପି ସୃଷ୍ଟି କରିବା ପାଇଁ ବ୍ୟବହୃତ ହୋଇଥିଲା। ବର୍ତ୍ତମାନ ପୋଲିସ ମୋବାଇଲ୍ ଫୋନକୁ ଫୋରେନସିକ୍ ଲ୍ୟାବକୁ ପଠାଇଛି, ଯାହାଦ୍ୱାରା ମୋବାଇଲ୍ ଫୋନର ତଥ୍ୟ ମିଳିପାରିବ। ଫୋନରେ ଥିବା ଫିଙ୍ଗର ପ୍ରିଣ୍ଟ ମଧ୍ୟ ନିଆଯାଇଛି। ତେବେ ଇଭିଏମ୍ ହ୍ୟାକିଂ ଅଭିଯୋଗକୁ ନିର୍ବାଚନ ଆୟୋଗ ସମ୍ପୂର୍ଣ୍ଣ ଭାବେ ଖଣ୍ଡନ କରିଛନ୍ତି।

ସମ୍ବନ୍ଧିତ ଖବର