ଭୁବନେଶ୍ୱର: ପ୍ରବାସୀ ଓଡ଼ିଆମାନେ ଆଜି ଶ୍ରମିକ ସ୍ୱତନ୍ତ୍ର ଟ୍ରେନ୍ରେ ରାଜ୍ୟର ୪ଟି ପ୍ରମୁଖ ସ୍ଥାନରେ ପହଞ୍ଚିଛନ୍ତି । ସୂଚନା ଅନୁସାରେ ୪ ହଜାରରୁ ଉର୍ଦ୍ଧ୍ୱ ପ୍ରବାସୀ ଭଦ୍ରକ, ଖୋର୍ଦ୍ଧା, ବାଲେଶ୍ୱର ଓ ବଲାଙ୍ଗୀର ଷ୍ଟେସନରେ ଓହ୍ଲାଇଛନ୍ତି । ଆନ୍ଧ୍ରପ୍ରଦେଶର ଚିତ୍ତୋର ଷ୍ଟେସନରୁ ଆସିଥିବା ଟ୍ରେନ ଭଦ୍ରକ ଷ୍ଟେସନରେ ପହଞ୍ଚିଛି । ଆନ୍ଧ୍ର ପ୍ରଦେଶରୁ ଗୁଣ୍ଟୁର ଷ୍ଟେସନରୁ ଆସିଥିବା ଏକ ଟ୍ରେନ ବଲାଙ୍ଗୀରରେ ପହଞ୍ଚିଛି । ସେହିପରି ବାଲେଶ୍ୱର ଷ୍ଟେସନରେ ଗୁଜୁରାଟର ମୋର୍ବି ଠାରୁ ଆସିଥିବା ଟ୍ରେନରେ ପ୍ରବାସୀ ଓଡ଼ିଆମାନେ ଆସିଛନ୍ତି । ମୋର୍ବି ଠାରୁ ଆସିଥିବା ଶ୍ରମିକ ସ୍ୱତନ୍ତ୍ର ଟ୍ରେନରେ ୧୦୨୧ ଜଣ ପ୍ରବାସୀ ଫେରିଥିବା ଜଣାଯାଇଛି । ସେହିପରି ଗୁଜରାଟର ସୁରତରୁ ଆସିଥିବା ଏକ ଟ୍ରେନ ଖୋର୍ଦ୍ଧା ଷ୍ଟେସନରେ ପହଞ୍ଚିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, କେନ୍ଦ୍ର ସରକାର ବାହାର ରାଜ୍ୟରେ ଫସିଥିବା ପ୍ରବାସୀ ଶ୍ରମିକମାନଙ୍କୁ ନିଜର ଗୃହ ରାଜ୍ୟରେ ପହଞ୍ଚାଇବା ପାଇଁ ଶ୍ରମିକ ସ୍ୱତନ୍ତ୍ର ଟ୍ରେନର ବ୍ୟବସ୍ଥା କରିଛନ୍ତି । କେନ୍ଦ୍ର ସରକାରଙ୍କ ସୂଚନା ଅନୁସାରେ ଏଯାଏଁ ୧୦ ଲକ୍ଷରୁ ଉର୍ଦ୍ଧ୍ୱ ପ୍ରବାସୀ ଶ୍ରମିକ ନିଜର ଗୃହ ରାଜ୍ୟକୁ ଫେରି ସାରିଛନ୍ତି ।
ସରକାର ପ୍ରବାସୀମାନଙ୍କୁ ରେଳ ଷ୍ଟେସନରୁ ବସ ଯୋଗେ ସେମାନଙ୍କର ଗୃହ ଜିଲ୍ଲାକୁ ନେବାର ବ୍ୟବସ୍ଥା କରିଛନ୍ତି । ପ୍ରବାସୀମାନେ ୨୮ ଦିନ ସଂଗରୋଧ କେନ୍ଦ୍ରରେ ରହିବେ । ଏଥିରୁ ୨୧ ଦିନ ସରକାରୀ ସଂଗରୋଧ କେନ୍ଦ୍ରରେ ଦିନ ବିତାଇବେ ।