ଟି-୨୦ ବିଶ୍ବକପ୍ : ବାଂଲାଦେଶ-ଶ୍ରୀଲଙ୍କା ମ୍ୟାଚରେ ପଡ଼ିଆ ମଝିରେ ଉଚ୍ଚବାଚ, ଲିଟନ୍-ଲାହିରୁ ମୁହାଁମୁହିଁ
ସାରଜା : ଆଜି ଗୋଟିଏ ଦିନରେ ଟି-୨୦ ବିଶ୍ୱକପରେ ଏସିଆର ୪ ଦେଶ ସାମ୍ନାସାମ୍ନି ହେଉଛନ୍ତି । ଗୋଟିଏ ପଟେ ବାଂଲାଦେଶ-ଶ୍ରୀଲଙ୍କା ମ୍ୟାଚ ଚାଲିଥିବା ବେଳେ ଆଉ ଗୋଟିଏ ପଟେ ଭାରତ-ପାକିସ୍ତାନ ମ୍ୟାଚକୁ ଅପେକ୍ଷା । ସାରଜା କ୍ରିକେଟ ଷ୍ଟାଡିୟମରେ ଚାଲିଥିବା ବାଂଲାଦେଶ-ଶ୍ରୀଲଙ୍କା ମ୍ୟାଚରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଏହି ମ୍ୟାଚରେ ମୁହାଁମୁହିଁ ହୋଇଛନ୍ତି ଦୁଇ ପ୍ରତିପକ୍ଷ ଦଳର ବ୍ୟାଟ୍ସମ୍ୟାନ ଓ ବୋଲର ଏବଂ ଉଭୟଙ୍କ ମଧ୍ୟରେ ଉଚ୍ଚବାଚ ହୋଇଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଗଣମାଧ୍ୟମ ରିପୋର୍ଟ ଅନୁସାରେ ବାଂଲାଦେଶର ବ୍ୟାଟ୍ସମ୍ୟାନ ଲିଟନ ଦାସଙ୍କ ୱିକେଟ ଯିବା ପରେ ଶ୍ରୀଲଙ୍କାର ବୋଲର ଲାହିରୁ କୁମାର ତାଙ୍କୁ କିଛି ଅକ୍ଷେପ କରି କହିଥିଲେ । ଯେଉଁଥିପାଇଁ ଉଭୟଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ଦେଖିବାକୁ ମିଳିଥିଲା । ଏହାପରେ ବାଂଲାଦେଶର ବ୍ୟାଟ୍ସମ୍ୟାନ ମହମ୍ମଦ ନଇମ ସାମ୍ନାକୁ ଆସି ଲାହିରୁ କୁମାରଙ୍କୁ ପଛକୁ ଧକ୍କା ମାରିଥିଲେ । ପରିସ୍ଥିତି ଉତ୍ତେଜକ ହେଇଥିବା ଦେଖି ଅମ୍ପାୟାରମାନେ ଆସି ସମ୍ଭାଳି ଥିଲେ।
ଏହି ମ୍ୟାଚରେ ଆଜି ଶ୍ରୀଲଙ୍କାର ବୋଲର ଲାହିରୁ କୁମାର ଆକ୍ରମଣାତ୍ମକ ନଜର ଆସିଥିଲେ । ଏହି ଘଟଣାର ଠିକ ପୂର୍ବରୁ ଲାହିରୁ ବ୍ୟାଟ୍ସମ୍ୟାନ ଆଡକୁ ତୀବ୍ରବେଗରେ ବଲ ଫିଙ୍ଗିଥିଲେ ଯାହା ସିଧା ୱିକେଟ କିପର ହାତକୁ ଯାଇଥିଲା ।
ଏହି ମ୍ୟାଚରେ ଟସ ଜିତି ବୋଲିଂ ନିଷ୍ପତ୍ତି ନେଇଥିଲା ଶ୍ରୀଲଙ୍କା । ତେଣୁ ପ୍ରଥମେ ବ୍ୟାଟିଂ ଆସି ବାଂଲାଦେଶ ଦଳ ୧୭୧ ରନ କରିଥିଲା । ଏବେ ୧୭୨ ରନର ବିଜୟ ଲକ୍ଷ୍ୟ ନେଇ ବ୍ୟାଟିଂ ଜାରି ରଖିଛି ଶ୍ରୀଲଙ୍କା ଦଳ।