ବେଙ୍ଗାଲୁରୁ: କର୍ଣ୍ଣାଟକର ପୂର୍ବତନ ମନ୍ତ୍ରୀ ଏଚଡି ରେବନ୍ନା ଏବଂ ତାଙ୍କ ପୁଅ ପ୍ରଜ୍ବଳ ରେବନ୍ନା ନିକଟରେ ଏବ ବିରାଟ ଅସୁବିଧାରେ ଫଶିଛନ୍ତି। ଦୁଇ ବାପପୁଅଙ୍କ ନାମରେ ଯୌନ ଶୋଷଣର ଅଭିଯୋଗ ଆସିଥିବା ବେଳେ ଏବେ ଏଚଡି ରେବନ୍ନାଙ୍କ ନାମରେ ନୂଆ ଏକ ଅଭିଯୋଗ ଆସିଛି।
Sambad is now on WhatsApp
Join and get latest news updates delivered to you via WhatsApp
ବାପପୁଅଙ୍କ ବିରୋଧରେ ହୋଲେନାରସିପୁରା ଥାନାରେ ଏକ ନିର୍ଯାତନା ମାମଲା ରୁଜୁ ହୋଇସାରିଛି। ରାଜ୍ୟ ଗୃହମନ୍ତ୍ରୀ ଜି ପରମେଶ୍ୱରଙ୍କ ଅନୁଯାୟୀ ବୁଧବାର ରାତିରେ ଆଉ ଏକ ଅଭିଯୋଗ ପଞ୍ଜିକୃତ ହୋଇଛି।
ତେବେ ଦାଖଲ ହୋଇଥିବା ଏହି ନୂତନ ମାମଲାରେ ମୌସୁରୁ ଜିଲ୍ଲାର କ୍ରିଷ୍ଣାରାଜ ନଗର ସହରର ୨୦ ବର୍ଷୀୟ ଅଭିଯୋଗକାରୀ କହିଛନ୍ତି ଯେ ତାଙ୍କ ମାଙ୍କୁ ରେବାନ୍ନା ଅପହରଣ କରି ନେଇଛନ୍ତି।
ସେ କହିଛନ୍ତି ଯେ ଛଅ ବର୍ଷ ପୂର୍ବେ ତାଙ୍କ ମା ହୋଲେନାରାସିପୁରାରେ ରେବନ୍ନା ବାସଭବନରେ କାମ କରିଥିଲେ। ତିନି ବର୍ଷ ପୂର୍ବେ ସେ ଚାକିରି ଛାଡି ନିଜ ସହରକୁ ଫେରିଥିଲେ।
ହେଲେ ଗତ ୫ ଦିନ ହେବ ତାଙ୍କ ମାଆ କେଉଁଆଡ଼େ ଚାଲିଯାଇଛନ୍ତି ଓ ସେ ସନ୍ଦେହ କରୁଛନ୍ତି ଯେ ଏଚଡି ରେବନ୍ନା ତାଙ୍କ ମାଆଙ୍କର ଅପହରଣ କରିଛନ୍ତି ବୋଲି। ତେବେ ତାଙ୍କ କହିବା କଥା ହେଲା ମେ ୧ ତାରିଖରେ ତାଙ୍କ ନିକଟକୁ ତାଙ୍କ ବନ୍ଧୁମାନଙ୍କ କଲ୍ ଆସିଥିଲା। ସେମାନେ ତାଙ୍କୁ କହିଥିଲେ ଯେ ଏକ ଭିଡିଓରେ ତାଙ୍କ ମାଆଙ୍କୁ ଦୌଡ଼ିରେ ବାନ୍ଧି ପ୍ରଜ୍ବଳ ଦୁଷ୍କର୍ମ କରୁଥିଲେ। ଅଭିଯୋଗରେ ସେ ତାଙ୍କ ମାଆଙ୍କ ଜୀବନ ପ୍ରତି ବିପଦ ଅଛି ବୋଲି ଦର୍ଶାଇ ପୁଲିସ୍ ସହାୟତା ଲେଡ଼ିଛନ୍ତି।