ନୂଆଦିଲ୍ଲୀ: ଟୋଲଗେଟରେ ଆପଣ ଅଧିକ ସମୟ ଧରି ଲାଇନରେ ଛିଡାହେଉଥିଲେ ଏଣିକି ଦେବେନି ଶୁଳ୍କ | ବାସ୍ତବରେ, ଜାତୀୟ ରାଜପଥ ପ୍ରାଧିକରଣ କର୍ତ୍ତୃପକ୍ଷ ଟୋଲ୍ ପ୍ଲାଜାର ନିୟମରେ ଏକ ବଡ଼ ପରିବର୍ତ୍ତନ କରିଛନ୍ତି | କିଛି ଦିନ ପୂର୍ବରୁ ରାଜପଥରେ ଯାତ୍ରାକୁ ସୁଗମ କରିବା ପାଇଁ ସରକାର ଫାଷ୍ଟ ଟ୍ୟାଗ୍ ସିଷ୍ଟମ ଲାଗୁ କରିଥିଲେ। ଯାହାଦ୍ୱାରା ଟୋଲ ପ୍ଲାଜା ଦେଇ ଯାଉଥିବା ଯାନଗୁଡିକ ଟୋଲ୍ ଟ୍ୟାକ୍ସ ଦେବାକୁ ଲମ୍ବା ଲାଇନରେ ରହିବାକୁ ପଡିବ ନାହିଁ ବୋଲି ଲକ୍ଷ୍ୟ ରଖାଯାଇଥିଲା |

Advertisment

ବର୍ତ୍ତମାନ ଟୋଲ ପ୍ଲାଜାକୁ ନେଇ ସରକାର ଏକ ବଡ ନିୟମ କରିଛନ୍ତି, ଯାହା ଅନୁଯାୟୀ ଟୋଲ ପ୍ଲାଜାରେ ୧୦୦ ମିଟରରୁ ଅଧିକ ଦୂରତାରେ ଗାଡି ଛିଡା ହୋଇ ରହିଲେ ଗାଡିରୁ ଟୋଲ ଟ୍ୟାକ୍ସ ଆଦାୟ କରାଯିବ ନାହିଁ। ଏହା ବ୍ୟତୀତ, ଯଦି ଗାଡିଗୁଡିକୁ ଟୋଲ ଟ୍ୟାକ୍ସ ଦେବାକୁ ୧୦ ସେକେଣ୍ଡରୁ ଅଧିକ ସମୟ ଅପେକ୍ଷା କରିବାକୁ ପଡିବ, ତେବେ ଏହି କ୍ଷେତ୍ରରେ ଟୋଲ ମଧ୍ୟ ଟିକସମୁକ୍ତ ହେବ | ଟୋଲ୍ ପ୍ଲାଜାରେ ଟ୍ରାଫିକ୍ ଜାମ୍ ବୃଦ୍ଧି ନହେବା ସହ ସାଧାରଣ ବେଗରେ ଯାନବାହନ ଚଳାଚଳ ଜାରି ରଖିବାକୁ ଏଭଳି ନିୟମ କରାଯାଇଛି | ସେହିପରି ନୂତନ ନିୟମ ଲାଗୁ କରିବା ପାଇଁ ଟୋଲ୍ କଲେକ୍ସନ୍ ପଏଣ୍ଟରେ ହଳଦିଆ ରେଖା ମଧ୍ୟ ଅଙ୍କାଯିବ। ଯଦି ଗାଡି ଗୁଡିକର ଲମ୍ବା ଲାଇନ ହଳଦିଆ ରେଖା ଅତିକ୍ରମ କରେ, ତେବେ ଟୋଲ୍ ଛାଡ କରିଦିଆଯିବ |

New NHAI Guidelines Aim At Ensuring Toll Plaza Waiting Time Remains Within 10 Seconds Per Vehicle Swarajya

ଜାତୀୟ ରାଜପଥ ପ୍ରାଧିକରଣ କହିଛି ଯେ ଅଧିକାଂଶ ଟୋଲ୍ ପ୍ଲାଜାରେ ଫାଷ୍ଟଟ୍ୟାଗ ବାଧ୍ୟତାମୂଳକ ହେବା ପରେ ଯାନବାହନକୁ ଅପେକ୍ଷା କରିବାକୁ ପଡିବ ନାହିଁ | ଏନଏଚଆଇର ତଥ୍ୟ ଅନୁଯାୟୀ, ଟୋଲ ପ୍ଲାଜାରେ ଆସୁଥିବା ୯୬ ପ୍ରତିଶତ ଯାନରୁ ବର୍ତ୍ତମାନ ଫାଷ୍ଟଟ୍ୟାଗ ମାଧ୍ୟମରେ ଦେୟ ନିଆଯାଉଛି | ଏହା ସହିତ କେତେକ ଟୋଲ ବୁଥରେ ଏହା ୯୯ ପ୍ରତିଶତ ପର୍ଯ୍ୟନ୍ତ ରେକର୍ଡ ହୋଇଛି | ସୂଚନା ଥାଉ କି ଯେ ରାଜପଥକୁ ଜାମ-ମୁକ୍ତ ରଖିବା ଏବଂ ଯାନବାହାନର ଗତିକୁ ତ୍ୱରାନ୍ୱିତ କରିବା ପାଇଁ ଏନଏଚଆଇ ଫେବୃଆରୀ ୨୦୨୧ ରୁ ଫାଷ୍ଟଟ୍ୟାଗ ଟୋଲ ସଂଗ୍ରହକୁ ବାଧ୍ୟତାମୂଳକ କରିଛି |