ଏହି ପୁରୁଣା ଗୀତରେ ପୁଣି ଧମାଲ୍‌ କରିବେ ଅନୀଲ,ମାଧୁରୀ ଏବଂ ଅଜୟ

ମୁମ୍ବାଇ: ଲୋକପ୍ରିୟ ନିର୍ଦ୍ଦେଶକ ଇନ୍ଦ୍ର କୁମାର ତାଙ୍କର ଅପ୍‌କମିଂ ମୁଭି ‘ଟୋଟାଲ୍‌ ଧମାଲ୍‌’ ରେ ଏକ ପୁରୁଣା ଗୀତକୁ ରଖୁଥିବାର ଚର୍ଚ୍ଚା ହେଉଛି। ତେବେ ଏହାକୁ ଏକ ଭିନ୍ନ ଶୈଳୀରେ ପରଦାରେ ପ୍ରସ୍ତୁତ କରାଯିବ। ଏହି ଗୀତ ଦୃଶ୍ୟରେ ଫିଲ୍ମର ମୁଖ୍ୟ କଳାକାରମାନେ ନଜର ଆସିବେ। ଏମାନେ ହେଲେ ଅନୀଲ କପୁର, ମାଧୁରୀ ଦୀକ୍ଷିତ, ଅଜୟ ଦେବଗନ, ଅରସାଦ୍‌ ଓ୍ଵାରସୀ, ରିତେଶ ଦେଶମୁଖ୍‌, ଜାଭେଦ୍‌ ଜାଫି, ସଂଜୟ ମିଶ୍ରା ଓ ପୀତବାସ ତ୍ରିପାଠୀ ପ୍ରମୁଖ।

ନିର୍ଦ୍ଦେଶକ ଇନ୍ଦ୍ର କୁମାରଙ୍କ ଅନୁଯାୟୀ ସେ ପଇସା ଉପରେ ଏକ ଗୀତ ଚାହୁଁଥିଲେ, କାରଣ ‘ଟୋଟାଲ୍‌ ଧମାଲ୍‌’ର ସବୁୁ ଚରିତ୍ର ପଇସା ପଛରେ ଦୌଡୁଛନ୍ତି। ସେ ନୂଆ କଂପୋଜରଙ୍କ ଗୀତ ବି ଶୁଣିଲେ, କିନ୍ତୁ ‘କର୍ଜ’ ଫିଲ୍ମର ପୈସା ପୈସା..ଗୀତଟି ସବୁ ଭଲ ଲାଗିଲା, ଯେଉଁଥିପାଇଁ ତାଙ୍କୁ ‘ଟୋଟାଲ ଧମାଲ୍‌’ ରେ ସ୍ଥାନିତ କରିବାକୁ ନିଷ୍ପତ୍ତି ନେଇଥିଲେ। ଟୋଟାଲ ଧମାଲ୍‌ ହେଉଛି ‘ଧମାଲ୍‌’ ସିରିଜ୍‌ର ତୃୀୟ ସିନେମା।

ଏଠାରେ ସୂଚନାଯୋଗ୍ୟ ଯେ ବଲିଉଡର ସୋ’ମ୍ୟାନ୍‌ ସୁଭାଷ ଘାଇଙ୍କ ସୁପରହିଟ୍‌ ଫିଲ୍ମ ଭିତରୁ ଗୋଟୁଏ ହେଲା ‘କର୍ଜ’। ୧୯୮୦ରେ ରିଲିଜ୍‌ ହୋଇଥିବା ଏହି ସିନେମା ରେ ଋଷି କପୁର, ଟିନା ମୁନିମ୍‌, ସିମି ଗ୍ରିେଓ୍ଵଲ ଏବଂ ରାଜ୍‌ କିରଣଙ୍କୁ ଦେଖିବାକୁ ମିଳିଥିଲା ଲିଡ୍‌ ରୋଲ୍‌ରେ ।‘କର୍ଜ’ ଏକ ମ୍ୟୁଜିକାଲ ଫିଲ୍ମ। ଏହାର ପ୍ରତିଟି ଗୀତ ଆଜି ବି ଲୋକପ୍ରିୟ। ଏଥି ମଧ୍ୟରୁ ଗୋଟିଏ ହେଲା ‘ପୈସା ୟେ ପୈସା’। ଏହି ଗୀତକୁ ରିକ୍ରିଏଟ୍‌ କରାଯାଉଥିବାର ଜଣାଯାଇଛି।