ରାସ୍ତାରେ ଓହ୍ଲାଇବ ମୋଦୀଙ୍କ ବିମାନ: ଆଜି ୟୁପିର ବହୁଚର୍ଚ୍ଚିତ ପୂର୍ବାଞ୍ଚଳ ଏକ୍ସପ୍ରେସ ୱେର ଉଦଘାଟନ କରିବେ ପ୍ରଧାନମନ୍ତ୍ରୀ
ନୂଆଦିଲ୍ଲୀ: ଆଜି ଉଦଘାଟନ ହେବ ପୂର୍ବାଞ୍ଚଳ ଏକ୍ସପ୍ରେସ ୱେ । ଉତ୍ତରପ୍ରଦେଶ ନିର୍ବାଚନ ପୂର୍ବରୁ ଏହି ସଡକ ରାଜନୀତିର ରାସ୍ତାକୁ ବି ମଜବୁତ କରିପାରେ । ଉଦଘାଟନ ସମୟ ଏହା ହିଁ ସଙ୍କେତ ଦେଉଛି । ଆଜି ପ୍ରଧାନମନ୍ତ୍ରୀ ଏହି ପୂର୍ବାଞ୍ଚଳ ଏକ୍ସପ୍ରେସ ୱେକୁ ଉଦଘାଟନ କରିବେ । ଅପରାହ୍ଣ ୧ ଘଣ୍ଟା ୩୦ ମିନିଟରେ ମୋଦୀ ଏକ୍ସପ୍ରେସଓ୍ବେରେ ଓହ୍ଲାଇ ଏକ ଜନସଭାକୁ ଯିବେ।
Sambad is now on WhatsApp
Join and get latest news updates delivered to you via WhatsApp
ଆଜି ଏହି ସ୍ଥାନରେ ଉଦଘାଟନ ଉତ୍ସବ ପାଳନ ହେବ । ୩୪୧ କିଲୋମିଟରର ଏହି ଲମ୍ବା ଏକ୍ସପ୍ରେସ ୱେକୁ ଉଦଘାଟନ କରିବେ ପ୍ରଧାନମନ୍ତ୍ରୀ । ଉତ୍ତରପ୍ରଦେଶ ରାଜଧାନୀ ଲକ୍ଷ୍ନୌଠାରୁ ଗାଜିପୁରକୁ ସଂଯୋଗ କରିବ ପୂର୍ବାଞ୍ଚଳ ଏକସପ୍ରେସ ୱେ । ତେବେ ଉଦଘାଟନୀ କାର୍ଯ୍ୟକ୍ରମରେ ଦେଖିବାକୁ ମିଳିବ ବାୟୁସେନାର ଏୟାର ସୋ’ । ଯେଉଁଠି ସୁଖୋଇ, ମିରାଜ ଭଳି ଲଢୁଆ ବିମାନର କମାଲ ଦେଖିବାକୁ ମିଳିବ । ଏହି ସବୁ ବିମାନ ଏକ୍ସପ୍ରେସ୍ ୱେରେ ଅବତରଣ କରିବେ ବୋଲି ଜଣାପଡ଼ିଛି ।
ଏହି ଏକ୍ସପ୍ରେସ ୱେକୁ ନେଇ ଥିବା କିଛି ତଥ୍ୟ ଉପରେ ନଜର ପକାଇବା –
– ପୂର୍ବାଞ୍ଚଳ ଏକ୍ସପ୍ରେସ ୱେର ଲମ୍ବ ୩୪୧ କିଲୋମିଟର।
– ୮ଘଣ୍ଟା ୩୦ ମିନିଟରେ ନୋଏଡାରୁ ଗାଜିପୁରରେ ପହଞ୍ଚିବା ହେବ ସମ୍ଭବ।
– ଲକ୍ଷ୍ନୌଠାରୁ ଗାଜିପୁର ଯିବା ପାଇଁ କୌଣସି ସ୍ଥାନରେ ରହିବାକୁ ପଡିବନି।
– ୨୨ ହଜାର ୪୯୪ କୋଟି ଟଙ୍କା ବ୍ୟୟରେ ପୂର୍ବାଞ୍ଚଳ ଏକ୍ସପ୍ରେସ ୱେ ତିଆରି କରାଯାଇଛି।
– ଏଥିରେ ୧୮ଟି ଫ୍ଲାଏଓଭର ଓ ୭ଟି ରେଲୱେ ବ୍ରିଜ ରହିଛି।
– ୭ଟି ବଡ ବ୍ରିଜ ସହ ୧୧୮ଟି ଛୋଟ ବ୍ରିଜ ରହିଛି।
– ୧୩ଟି ଇଂଟରଚେଂଜ ଓ ୮ଟି ଟୋଲ ପ୍ଲାଜା ରହିଛି।
– ୨୭୧ଟି ଅଂଡରପାସ ଓ ୫୦୩ଟି ଛୋଟ ପୋଲ ରହିଛି।
– ଗାଡି ଚଢିବା ଓ ଉଠିବା ପାଇଁ ରହିଛି ୧୩ଟି କଟ୍।
– ଏହା ଉତ୍ତରପ୍ରଦେଶର ୯ଟି ଜିଲ୍ଲା ଦେଇ ଗତି କରିବ।
– ସୁରକ୍ଷା ବ୍ୟବସ୍ଥା ମଧ୍ୟ ଏହି ସ୍ଥାନରେ କଡାକଡି ରହିଛି।
– ଆଡଭାନ୍ସ ଟ୍ରାଫିକ ମ୍ୟାନେଜମେଂଟ ବ୍ୟବସ୍ଥା କରାଯାଇଛି।
– ପଶୁ ପକ୍ଷୀ ଯେପରି ନଆସିପାରିବେ ସେ ବ୍ୟବସ୍ଥା ରହିଛି।
– ୩ କିଲୋମିଟରର ରନୱେ ରହିଛି।
– ଜରୁରୀସ୍ଥିତିରେ ଏଠାରେ କୌଣସି ବି ବିମାନ ଓହ୍ଲାଇପାରିବ।
– ବିମାନ ଅବତରଣ ସମୟରେ ରାସ୍ତାର ଟ୍ରାଫିକକୁ ଅଟକାଇବାକୁ ପଡିବ ନାହିଁ।