ଧାମନଗର : ମର୍ମନ୍ତୁଦ ସଡ଼କ ଦୁର୍ଘଟଣାରେ ପରିବା ବ୍ୟବସାୟୀଙ୍କ ମୃତ୍ୟୁ
ଭଦ୍ରକ : ଭଦ୍ରକ ଜିଲ୍ଲା ଧାମନଗରଠାରେ ଆଜି ହୋଇଥିବା ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ଶନିବାର ସକାଳୁ ଦକ୍ଷିଣବାଡ଼ ନିକଟରେ ଏକ ହାଇଓ୍ବା ଚକା ତଳେ ଚାପି ହୋଇ ଜଣଙ୍କର ମୃତ୍ୟୁ ଘଟିଛି । ମୃତ ବ୍ୟକ୍ତିଙ୍କ ଘର ସୋହଡା ପଂଚାୟତ କଣ୍ଟାପାରି ଗ୍ରାମର ରବୀନ୍ଦ୍ର ପରମାଣିକ (୪୫) । ରବୀନ୍ଦ୍ରଙ୍କର ଷେଣ୍ଢପୁର ବଜାରରେ ଏକ ପରିବା ଦୋକାନ ଅଛି । ଆଜି ପ୍ରତ୍ୟୁଷରୁ ଧାମନଗର ବଜାରରୁ ପରିବା କିଣି ଷେଣ୍ଢପୁର ଅଭିମୁଖେ ଯାଉଥିବା ବେଳେ ଧାମନଗର ଏନଏସି ଅଧୀନସ୍ଥ ଦକ୍ଷିଣବାଡ଼ ନିକଟରେ ଦ୍ରୁତ ଗତିରେ ଆସୁଥିବା ଏକ ହାଇଓ୍ବା ଚକା ତଳେ ଚାପି ହୋଇ ରବୀନ୍ଦ୍ର ମୃତ୍ୟୁବରଣ କରିଥିଲେ । ଏହି ଖବର ପ୍ରଚାରିତ ହେବା ପରେ ଧାମନଗର ଅଞ୍ଚଳରେ ଶୋକର ଛାୟା ଖେଳିଯାଇଛି । ଘଟଣାସ୍ଥଳରେ ପୁଲିସ ପହଞ୍ଚିଥିବା ବେଳେ ଦୁର୍ଘଟଣା ଘଟାଇଥିବା ଡ୍ରାଇଭର ଫେରାର ଥିବାର ମିଳିଛି ।