ଭୋଗରାଇ: ସିନ୍ଦୂର ପାଇଁ ଗୁହାରି କଲେ ନୂଆବୋହୂ | ପ୍ରେମ ପାଇଁ ପରିବାର ସାଜିଥିଲା ବାଧକ ! ଭିଡିଓ ପୋଷ୍ଟ କରି କାହାଣୀ କହିଲେ ସ୍ମିତାରାଣୀ | ମୋ ସ୍ୱାମୀ ଓ ତାଙ୍କ ପରିବାରକୁ ସୁରକ୍ଷା ଦିଅ | ସୋସିଆଲ ମିଡିଆରେ ଭିଡିଓଟିଏ ପୋଷ୍ଟ କରିଛନ୍ତି ନୂଆ ବୋହୁ | ପାଦରେ ଅଳତା ଓ ମଥାରେ ସିନ୍ଦୂର ନାଇ ନୂଆ ନୂଆ ଶାଶୂଘରକୁ ଯାଇଥିବା ସ୍ମିତାରାଣୀ ନିଜ ସ୍ୱାମୀଙ୍କ ସୁରକ୍ଷା ପାଇଁ ଏମିତି ଗୁହାରି କରିଛନ୍ତି | ଲୁହ ଭିଜା ସ୍ୱର ସାଙ୍ଗକୁ ନିଜ ନୂଆ ସଂସାରକୁ ଗଢିବାର ସ୍ବପ୍ନ ଦେଖିଥିବା ସ୍ମିତା କହିଛନ୍ତି ପୁରା କାହାଣୀ | ବାପଘର ପକ୍ଷରୁ ଥାନାରେ ଦିଆଯାଇଥିବା ଅଭିଯୋଗ କେତେ ମିଛ ସେସବୁକୁ ନିଜ ମୁହଁରେ ବଖାଣିଛନ୍ତି | ଫେବ୍ରୁଆରି ୨୫ ତାରିଖରେ ନିଜ ପ୍ରେମିକ ଧନଞ୍ଜୟଙ୍କୁ ବିବାହ କରିଥିବାବେଳେ ପରିବାର ଭୋଗରାଇ ଥାନାରେ ମିଥ୍ୟା ଅଭିଯୋଗଟିଏ ଦେଇଥିଲେ |
Sambad is now on WhatsApp
Join and get latest news updates delivered to you via WhatsApp
ସ୍ମିତାରାଣୀଙ୍କ କହିବା କଥା ଯେ ତାଙ୍କର ଵୟସ ୨୦ ବର୍ଷ ହୋଇଥିବାବେଳେ ସେ ଗତ ୨୫ ଫେବ୍ରୁଆରିରେ ବାପଘରୁ ନିଜ ଇଚ୍ଛାରେ ପଳେଇଆସିଥିଲେ | ଏହାପରେ ସେ ନିଜ ପ୍ରେମିକ ଧନଞ୍ଜୟ ଦାସଙ୍କୁ ବିବାହ କରିଥିଲେ । ଏହା ପରେ ନିଜ ବାହାଘର କଥା ଘରକୁ ଫୋନ କରି ଜଣାଇଥିଲେ । ଏ କଥା ଜାଣିବା ପରେ ମଧ୍ୟ ବାପଘର ଲୋକ ଭୋଗରାଇ ପୁଲିସ ଥାନାରେ ନିଖୋଜ ଏତଲା ଦେଇଥିଲେ ଦେଇଥିଲେ | ସ୍ୱାମୀ ଧନଞ୍ଜୟଙ୍କ ପଛରେ ହାତ ଥିବାର ଏତଲାରେ ଉଲ୍ଲେଖ କରିଥିଲେ | ଏହାକୁ ପ୍ରତିବାଦ କରିବାରୁ ତାଙ୍କୁ ବାପଘର ପକ୍ଷରୁ ‘ଏବେବି କିଛି ହୋଇନି, ପୁଲିସ ଷ୍ଟେସନରେ ଆସି କହିଦେ ତୁ ତୋ ନିଜ ଇଚ୍ଛାରେ ଯାଇନାହୁଁ’ ।
କିନ୍ତୁ ସ୍ମିତା ଏହାକୁ ସ୍ୱୀକାର ନ କରି ବାଧ୍ୟ ହୋଇ ଭିଡିଓଟିଏ ପୋଷ୍ଟ କରିଥିଲେ | ସ୍ମିତାଙ୍କ କହିବା କଥା ସେ ଧନଞ୍ଜୟଙ୍କ ସହିତ ସାରା ଜୀବନ ସାଥିରେ ରହିବେ | ବାପଘର ଲୋକ, ତାଙ୍କ ସ୍ୱାମୀ ଓ ଶାଶୂଘର ନାମରେ ମିଛ ଅଭିଯୋଗ ଦେଇଥିବାବେଳେ ସେମାନଙ୍କୁ ସୁରକ୍ଷା ଦେବାକୁ ନେହୁରା ହୋଇଛନ୍ତି ସ୍ମିତା | ୪ ବର୍ଷର ପ୍ରେମକୁ ନ ଭୁଲି ନିଜ ପ୍ରେମିକଙ୍କ ହାତ ଧରି ଚାଲିଆସିଥିବା ଏହି ନୂଆ ବୋହୁଙ୍କ ଭିଡିଓ ପୋଷ୍ଟ ପରେ ସମସ୍ତେ ଏବେ ତାଙ୍କ ନିଷ୍ପତ୍ତିକୁ ସମର୍ଥନ ଜଣାଇଛନ୍ତି |