ପ୍ରେମିକଙ୍କ ସହ ସବୁ ସଂପର୍କ ଭାଙ୍ଗି ଘରକୁ ଫେରିଲେ ସୁନୈନା
ମୁମ୍ବାଇ : ଗତ କିଛି ଦିନ ହେଲାଣି ରୋଶନ ପରିବାର ବିବାଦରେ ରହିଛି । ଅଭିନେତା ରିତିକ୍ ରୋଶନଙ୍କ ଭଉଣୀ ସୁନୈନା ରୋଶନ ନିଜ ପରିବାର ଉପରେ ନିର୍ଯ୍ୟାତନାର ଗମ୍ଭୀର ଆରୋପ ଲଗାଇବା ପରେ ବିବାଦରେ ଛନ୍ଦି ହୋଇ ପଡ଼ିଥିଲା ରୋଶନ ପରିବାର । ନିଜ ପ୍ରେମିକ ସହ ସଂପର୍କ ଛିନ୍ନ କରିବାକୁ ବାଧ୍ୟ କରୁଥିବା ସହ ପରିବାର ଲୋକେ ମାଡ଼ ମାରୁଥିବାର ଅଭିଯୋଗ ଆଣିଥିଲେ ସୁନୈନା । ଏମିତି କି ସେ ଟୁଇଟ୍ର ଜରିଆରେ ମଧ୍ୟ ନିଜ ସହ ଘଟୁଥିବା ଘଟଣାବଳିକୁ ସାମ୍ନାକୁ ଆଣିଥିଲେ । ତେବେ ଏତେ ସବୁ ପରେ ସୁନୈନା ଏବେ ନିଜ ପ୍ରେମିକ ସହ ସବୁ ସଂପର୍କ ଭାଙ୍ଗି ପୁଣି ଥରେ ପରିବାର ସହ ରହିବା ଆରମ୍ଭ କରିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସ୍ପଟ୍ବଏ ପକ୍ଷରୁ ମିଳିଥିବା ସୂଚନା ମୁତାବକ, ସୁନୈନା ପ୍ରେମିକ ରୁହେଲ ଅମିନ୍ଙ୍କ ସହ ସବୁ ସଂପର୍କ ଭାଙ୍ଗି ଘରକୁ ଫେରିଛନ୍ତି । ଏମିତି କି ସେ ବାପା ରାକେଶ ରୋଶନଙ୍କ ୭୦ତମ ଜନ୍ମଦିନରେ ମଧ୍ୟ ଯୋଗ ଦେଇଥିଲେ । ରିତିକ୍ଙ୍କୁ ଏ ନେଇ ପଚରାଯିବା ପରେ, ଏହା ଆମ ବ୍ୟକ୍ତିଗତ ସମସ୍ୟା । ବର୍ତ୍ତମାନ ସମୟରେ ଦିଦିଙ୍କ ଯେଉଁ ଅବସ୍ଥା ରହିଛି, ସେ ସମୟରେ କିଛି ବି କହିବା ଠିକ୍ ହେବ ନାହିଁ ବୋଲି ସେ କହିଥିଲେ ।