ବିଶାଖାପାଟଣା : ଆନ୍ଧ୍ରପ୍ରଦେଶର ବିଶାଖାପାଟଣାରେ ଥିବା ଏକ ରାସାୟନିକ କାରଖାନାରୁ ଗ୍ୟାସ୍ ଲିକ୍ ହେବାରୁ ଅତି କମରେ ୧୧ଜଣଙ୍କର ମୃତ୍ୟୁ ଘଟିଥିବା ବେଳେ ପ୍ରାୟ ୧୦୦୦ଜଣ ଲୋକ ପ୍ରଭାବିତ ହୋଇଛନ୍ତି। ତେବେ ଯାଞ୍ଚ ପରେ ଏହା ଜାଣିବାକୁ ମିଳିଛି ଯେ ପ୍ରମୁଖ ଗ୍ୟାସ୍ ଲିକ୍ ଦୁଇଟି ଟ୍ୟାଙ୍କରୁ ହୋଇଥିଲା ​​ଯାହା ମାର୍ଚ୍ଚରୁ କୋଭିଡ୍ -୧୯ ବିସ୍ତାର ପାଇଁ ଲଗାଯାଇଥିବା ଲକଡାଉନ୍ କାରଣରୁ ଅବହେଳିତ ହୋଇ ରହିଥିଲା ​​ବୋଲି ବିଶାଖାପାଟଣାର ପଶ୍ଚିମ ଜୋନ୍ ଏସିପି ସ୍ୱରୂପ ରାଙ୍କ କହିଛନ୍ତି।

Advertisment

ଏହା ଦ୍ୱାରା ଏକ ଟ୍ୟାଙ୍କର ଭିତରେ ରାସାୟନିକ ପ୍ରତିକ୍ରିୟା ସୃଷ୍ଟି ହୋଇ ଭିତରେ ଉତ୍ତାପ ଉତ୍ପାଦନ ହୋଇଥିଲା ଯାହା ପରେ ମାରାତ୍ମକ ଗ୍ୟାସ୍ ଲିକ୍ ହୋଇଥିଲା ବୋଲି ଅଧିକାରୀ କହିଛନ୍ତି। ତେବେ ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ “ଗ୍ୟାସ୍ ପାଇଁ ଭଲଭ୍ କଣ୍ଟ୍ରୋଲ୍ ସଠିକ୍ ଭାବରେ ପରିଚାଳିତ ହେଉ ନ ଥିଲା ଏବଂ ତାହା ଫାଟିଯାଇଥିଲେ। ଏହା ସହ ପ୍ଲାଣ୍ଟରେ ଆବଶ୍ୟକ ସଂଖ୍ୟକ ମେଣ୍ଟେନାନ୍ସ କର୍ମଚାରୀ ନ ଥିଲେ । ପ୍ଲାଣ୍ଟର କୁଲିଂ ସିଷ୍ଟମ ମଧ୍ୟ ଠିକ ଭାବେ କାମ କରୁ ନଥିଲା ।

Two tanks that caused AP gas leak were unattended due to lockdown ... Oneindia

ସୂଚନା ମୁତାବକ, ଷ୍ଟିରେନ ଗ୍ୟାସ ସିନ୍ଥେଟିକ ରବର, ରେଜିନ, ପଲିମର ଆଦି ପ୍ରସ୍ତୁତି ଲାଗି ବ୍ୟବହାର କରାଯାଇଥାଏ । ମଣିଷ ଏହା ସଂସ୍ପର୍ଶରେ ଆସିଲେ ନିଶ୍ୱାସ ନେବା କଷ୍ଟକର ହୋଇପଡେ, ଆଖି ଓ ଛାତି ଜଳାପୋଡ଼ା କରେ, ଆଖିରୁ ଲୁହ ବାହାରିବା ପରି ସମସ୍ୟା ଦେଖାଦେଇଥାଏ । ପୁଲିସ ପକ୍ଷରୁ କୁହାଯାଇଛି ଯେ ଗ୍ୟାସ ନିର୍ଗତ ବନ୍ଦ ହୋଇଯାଇଛି ଓ ସ୍ଥିତି ନିୟନ୍ତ୍ରଣରେ ରହିଛି । ୨୫୦ ଲୋକ ଅସୁସ୍ଥ ହୋଇ ଚିକିତ୍ସିତ ହେଉଛନ୍ତି ଓ ସେମାନଙ୍କ ମଧ୍ୟରୁ ୨୦ ଜଣ ଭେଣ୍ଟିଲେଟର ସହାୟତାରେ ରହିଛନ୍ତି । ଏହି ଘଟଣା ଘଟିବା ପରେ ଘଟଣାସ୍ଥଳକୁ ଯାଇଥିବା କେତେକ ପୁଲିସ କର୍ମଚାରୀ ମଧ୍ୟ ଗୁରୁତରଭାବେ ଅସୁସ୍ଥ ହୋଇପଡ଼ିଛନ୍ତି । ମୁଖ୍ୟମନ୍ତ୍ରୀ ଜଗତ ମୋହନ ରେଡ୍ଡୀ ଘଟଣା ଉପରେ ଏକ ଉଚ୍ଚସ୍ତରୀୟ ବୈଠକ କରିବା ସହ ତଦନ୍ତ ନିର୍ଦ୍ଦେଶ ଦେଇଛନ୍ତି ।