ମୁମ୍ବାଇ: ବଲିଉଡର ଲୋକପ୍ରିୟ ଅଭିନେତା ଟାଇଗର୍ ଶ୍ରଫଙ୍କ ଅଭିନୀତ ‘ବାଗୀ-୨’କୁ ଏ ବର୍ଷର ସବୁଠାରୁ ବଡ଼ ସିନେମା ବୋଲି କୁହାଯାଉଛି। କାରଣ ଏହି ସିନେମାକୁ ସବୁଠାରୁ ବଡ଼ ଓପନିଂ ମିଳିଛି। ଏହା ଓପନିଂ ମାମଲାରେ ପ୍ରଖ୍ୟାତ ନିର୍ମାତା-ନିର୍ଦ୍ଦେଶକ ସଂଜୟ ଲୀଲା ଭଂସାଲୀଙ୍କ ‘ପଦ୍ମାବତ୍’କୁ ବି ପଛରେ ପକାଇ ଦେଇଛି। ଏହା ଅବଶ୍ୟ ଭିନ୍ନ କଥା ଯେ ‘ବାଗୀ-୨’ କୁ ‘ପଦ୍ମାବତ୍’ ତୁଳନାରେ ଅଧିକ ସିନେମା ହଲ୍ ମିଳିଛି। ‘ବାଗୀ-୨’ ପ୍ରଥମ ଦିନ ପ୍ରାୟ ୨୦ କୋଟିର କଲେକସନ୍ କରିଛି।
Sambad is now on WhatsApp
Join and get latest news updates delivered to you via WhatsApp
ଅପରପକ୍ଷରେ ସଂଜୟ ଲୀଲା ଭଂସାଲୀଙ୍କ ‘ପଦ୍ମାବତ୍’ର ଆୟ ଥିଲା ୧୯ କୋଟି ଟଙ୍କା ଥିଲା। ସାଜିଦ୍ ନାଡିଆଡଓ୍ଵାଲାଙ୍କ ପ୍ରଯୋଜିତ ‘ବାଗୀ-୨’ରେ ଟାଇଗର୍ ଶ୍ରଫଙ୍କ ବିପକ୍ଷରେ ନଜର ଆସିଛନ୍ତି ଦିଶା ପଟାନି। ଏହା ଏକ ଜବରଦସ୍ତ ଆକସନ୍ ସିନେମା। ଏଥିରେ ହଲିଉଡ ଷ୍ଟାଇଲର ଆକସନ୍ ସିନ୍ ରହିଛି। ଇତିମଧ୍ୟରେ ସାଜିଦ୍ ନାଡିଆଡଓ୍ଵାଲା ଏହାର ପରବର୍ତ୍ତୀ ସିକ୍ୱେଲ୍ ‘ବାଗୀ-୩’ ନିର୍ମାଣର ଘୋଷଣା କରିଛନ୍ତି।