ମୁମ୍ବାଇ: ଆଜି ହେଉଛି  ବଲିଉଡର ଭର୍ସାଟାଇଲ୍‌  ଆକ୍ଟର-ପ୍ରଡ୍ୟୁସର୍‌-ଡିରେକ୍ଟର୍‌  ଅଜୟ ଦେବଗନ୍‌ ଙ୍କ ଜନ୍ମ ଦିନ। ସେ ୧୯୬୯ ମସିହା ଏପ୍ରିଲ୍‌ ୨ ତାରିଖରେ ଜନ୍ମ ହୋଇଥିଲେ।  ଜଣେ  ଭର୍ସାଟାଇଲ୍‌  ଆକ୍ଟର, ଏକଥାକୁ  କେହି ବି  ଅସ୍ୱୀକାର  କରିପାରିବେ ନାହିଁ  । ସେ କୁକୁ କୋହଲୀଙ୍କ  ‘ ଫୁଲ ଔର  କାଣ୍ଟେ’  ରୁ  କ୍ୟାରିଅର୍‌ ଆରମ୍ଭ  କରିଥିଲେ। ଏହା ସୁପରହିଟ୍‌ ହେବାପରେ ଆଉ ପଛକୁ ଫେରି ଚାହିଁ ନାହାନ୍ତି ଅଜୟ।  ଏହା  ଭିତରେ  ସେ ବହୁ ହିଟ୍‌,  ସୁପରହିଟ୍‌ , ଓ  ବ୍ଲକବଷ୍ଟର  ମୁଭରେ ଅଭିନୟ କରିବା ସହିତ ନିର୍ଦ୍ଦେଶକ ଭାବେ କେତୋଟି ଭଲ ସିନେମା   ଦେଇଛନ୍ତି   ।

Advertisment

ସେ ଶ୍ରେଷ୍ଠ  ଅଭିନେତାଭାବେ  ଦୁଇ ଦୁଇ ଥର   ଯଥାକ୍ରମେ  ଫିଲ୍ମ  ‘  ଜଖ୍‌ମ’  ଓ  ‘  ଦି  ଲିଜେଣ୍ଡ  ଅଫ୍‌  ଭଗତ  ସିଂହ  ’  ପାଇଁ   ରାଷ୍ଟ୍ରୀୟ  ପୁରସ୍କାର   ହାସଲ  କରିଛନ୍ତି ।     ହେଲେ  ଆପଣ ଜାଣନ୍ତି କି   ଅଜୟ ଦେବଗନ୍‌  ତାଙ୍କର  ସୁଦୀର୍ଘ  କ୍ୟାରିଅର ଭିତରେ କେବେ ବି ଜଣେ ଲୋକପ୍ରିୟ  ନିର୍ଦ୍ଦେଶକଙ୍କ ସହ କାମ କରି ନାହାନ୍ତି। ଏପରିକି ଥରେ ସୁଯୋଗ ପାଇ ବି ତାକୁ ହାତଛଡ଼ା କରିଥିଲେ।

publive-image photo-rozana spokesman

ଏଠାରେ ଯେଉଁ  ଲୋକପ୍ରିୟ  ନିର୍ଦ୍ଦେଶକଙ୍କ କଥା କୁହାଯାଉଛି ,ସେ ହେଲେ ୟଶ୍‌ ଚୋପ୍ରା ।  ସେ  ଅନେକ ଗୁଡିଏ  ବ୍ଲକବଷ୍ଟର  ମୁଭି  ଦେଇଛନ୍ତି ।  ଏଥିମଧ୍ୟରୁ   ଗୋଟିଏ  ହେଲା ‘ ଡର’ ।  ଏହି ସିନେମାରେ  ଶାହାରୁଖ୍‌  ଖାନ୍‌  ଯେଉର୍  ଭୂମିକାଟି  ନିଭାଇଥିଲେ,  ତାହା  ପ୍ରଥମେ  ମିଳିଥିଲା  ଅମୀର ଖାନ୍‌ଙ୍କୁ ।  ଅମୀର୍‌ କିନ୍ତୁ  ନେଗେଟିଭ୍‌   ରୋଲ୍‌  କରିବେ ନାହିଁ  ବୋଲି  କହିବା ପରେ    ସେହି  ଭୂମିକାଟି   ପାଇଁ  ୟଶ   ଚୋପ୍ରା  ଅଜୟ  ଦେବଗନଙ୍କୁ ଅଫର୍‌ ଦେଇଥିଲେ ।  ଯେଉଁ   ସମୟରେ  ‘ ଡର୍‌’  ର  ଅଫର  ଅଜୟଙ୍କୁ   ମିଳିଥିଲା,  ସେତେବେଳେ  ସେ   ଉଟ୍ଟି ଠାରେ  ଅନ୍ୟ  ଏକ  ହିନ୍ଦୀ ଫିଲ୍ମରେ  ସୁଟିଂ  କରୁଥିଲେ ।  ଅଜୟ  ଦେବଗନ୍‌  , ୟଶ ଚୋପ୍ରାଙ୍କ  ଅଫର୍‌କୁ  ଗ୍ରହଣ  କରିନଥିଲେ ।  ତା’ପରେ  ଶାହାରୁଖ୍‌  ଖାନ୍‌ଙ୍କୁ  ମିଳିଥିଲା   ‘ ଡର୍‌ ’ । ଏହାପରେ ଅଜୟ  ଦେବଗନ୍‌ଙ୍କୁ  ୟଶ ତାଙ୍କର ଅନ୍ୟ କୌଣସି ଫିଲ୍ମର ଅଫର୍‌ ଦେଇ ନଥିଲେ