ମୋଦୀ ଜୀଙ୍କ ଦୁନିଆରେ ସତ୍ୟକୁ ଲିଭାଇ ଦିଆଯାଇ ପାରିବ କିନ୍ତୁ ବାସ୍ତବରେ ନୁହେଁ: ବିବାଦୀୟ ମନ୍ତବ୍ୟ ଭାଷଣରୁ ହଟାଇବା ନେଇ ରାହୁଲ କହିଲେ
ନୂଆଦିଲ୍ଲୀ: ସଂସଦରେ ବିରୋଧୀ ଦଳର ନେତା ହୋଇଥିବା ରାହୁଲ ଗାନ୍ଧୀ ତାଙ୍କ ମନ୍ତବ୍ୟ ପାଇଁ ଖବର ଶିରୋନାମାରେ ଅଛନ୍ତି। ସୋମବାର ସଂସଦ ଅଧିବେଶନରେ ରାହୁଲ ଗାନ୍ଧୀ ଅନେକ ବଡ଼ ପ୍ରସଙ୍ଗ ଉଠାଇଥିଲେ। ତେବେ କିଛି ସମୟ ମଧ୍ୟରେ ରାହୁଲ ତାଙ୍କ ଭାଷଣକୁ ନେଇ ବିବାଦରେ ଛନ୍ଦି ହୋଇଥିଲେ। ଏହି ପରିପ୍ରେକ୍ଷୀରେ ସଂସଦର ରେକର୍ଡରୁ ତାଙ୍କ ଭାଷଣର କିଛି ଅଂଶ ହଟାଯାଇଥିଲା। ଏହାର ପ୍ରତିବାଦରେ ରାହୁଲ ଗାନ୍ଧୀ ଲୋକସଭା ବାଚସ୍ପତି ଓମ ବିର୍ଲାଙ୍କୁ ଚିଠି ଲେଖି ଆପତ୍ତି ଜଣାଇଛନ୍ତି। ବର୍ତ୍ତମାନ ରାହୁଲ ଗାନ୍ଧୀ ଗଣମାଧ୍ୟମ ଆଗରେ ଏହା ଉପରେ ନୀରବତା ଭାଙ୍ଗିଛନ୍ତି।
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
ସଂସଦ ରେକର୍ଡରୁ ଭାଷଣ ହଟାଇବା ପରେ ରାହୁଲ ଗାନ୍ଧୀ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜୀଙ୍କ ଦୁନିଆରେ ସତ୍ୟକୁ ଲିଭାଇ ଦିଆଯାଇପାରିବ। କିନ୍ତୁ ବାସ୍ତବରେ ସତ୍ୟ କେବେ ବି ଅଦୃଶ୍ୟ ହୁଏ ନାହିଁ । ମୁଁ କ’ଣ କହିଛି। ତାହା ହେଉଛି ସତ୍ୟ। ସେମାନେ ଯେତେ ଚାହାନ୍ତୁ ବିଲୋପ କରନ୍ତୁ । କିନ୍ତୁ ସତ୍ୟ ହେଉଛି ସତ୍ୟ ।
#WATCH | On portions of his speech expunged, Lok Sabha LoP Rahul Gandhi says, "In Modi ji's world, truth can be expunged. But in reality, the truth can't be expunged. I said what I had to say, that is the truth. They can expunge as much as they want. Truth is truth." pic.twitter.com/AcR3xRN6d5
— ANI (@ANI) July 2, 2024
ସୋମବାର ପ୍ରାୟ ୧ ଘଣ୍ଟା ୪୦ ମିନିଟର ଭାଷଣରେ ରାହୁଲ ଗାନ୍ଧୀ ଅନେକ ବଡ଼ ପ୍ରସଙ୍ଗରେ ସ୍ୱର ଉତ୍ତୋଳନ କରିଥିଲେ। ରାହୁଲ ଗାନ୍ଧୀ ନିଟ୍ ପେପର ଲିକ୍ ଠାରୁ ଆରମ୍ଭ କରି ଅଗ୍ନିବୀର ଯୋଜନା ପର୍ଯ୍ୟନ୍ତ ସରକାରଙ୍କୁ ପ୍ରଶ୍ନ ପଚାରିଥିଲେ। ବିଜେପି ଉପରେ ଆକ୍ରମଣ କରୁଥିବାବେଳେ ରାହୁଲ ଗାନ୍ଧୀ ହିନ୍ଦୁମାନଙ୍କୁ ହିଂସାତ୍ମକ ବୋଲି କହିଥିଲେ। ରାହୁଲ ଗାନ୍ଧୀଙ୍କ ଏହି ଭାଷଣକୁ ନେଇ ସଂସଦରେ ଉତ୍ତେଜନା ଦେଖାଦେଇଥିଲା। ଶେଷରେ, ଶାସକ ଦଳର ଦାବିରେ ରାହୁଲଙ୍କ ଭାଷଣର କିଛି ଅଂଶ ରେକର୍ଡରୁ ବାହାର କରାଯାଇଥିଲା।
ପ୍ରଧାନମନ୍ତ୍ରୀ ମୋଦୀ, ଆରଏସଏସ ଏବଂ ବିଜେପି ବିରୋଧରେ ହୋଇଥିବା ଅଭିଯୋଗ ହିନ୍ଦୁ, ଅଗ୍ନିବୀର ଯୋଜନା, ରାହୁଲଙ୍କ ଭାଷଣରୁ ଶିଳ୍ପପତି ଅମ୍ବାନୀ ଏବଂ ଆଦାନୀଙ୍କୁ ନେଇ ମନ୍ତବ୍ୟ ସଂସଦ ରେକର୍ଡରୁ ସବୁଦିନ ପାଇଁ ଲିଭାଇ ଦିଆଯାଇଛି। ଏହା ବ୍ୟତୀତ ପ୍ରଧାନମନ୍ତ୍ରୀ ମୋଦୀ ଏବଂ ଗୃହମନ୍ତ୍ରୀ ଅମିତ ଶାହାଙ୍କ ସମେତ ପାଞ୍ଚଜଣ କେନ୍ଦ୍ର ମନ୍ତ୍ରୀ ରାହୁଲ ଗାନ୍ଧୀ କ୍ଷମା ମାଗିବା ଦାବି କରିଛନ୍ତି।