ସୁନ୍ଦରଗଡ଼: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ସୁନ୍ଦରଗଡ଼ ସର୍ଗିପାଲି ନିୟନ୍ତ୍ରିତ ବଜାର କମିଟି ନିରୀକ୍ଷକ ତଥା ସମ୍ପାଦକ ବନମାଳୀ ନାଏକଙ୍କ ବାସଭବନରେ ଭିଜିଲାନ୍ସ ଚଢ଼ାଉ ହୋଇଛି। ଏକକାଳୀନ  ୫ଟି ସ୍ଥାନରେ ୫ ଡିଏସପି, ୭ ଇନସ୍ପେକ୍ଟର, ୪ ଏଏସଆଇ ଓ ଅନ୍ୟ ସହକର୍ମୀ ଚଢାଉ କରିଛନ୍ତି।

Advertisment

publive-image

ଚଢାଉ କରାଯାଉଥିବା ସ୍ଥାନଗୁଡ଼ିକ ହେଲା, କେନ୍ଦୁପଡ଼ା ତଳଶଙ୍କରା ମୌଜାର ପ୍ଲଟ ନଂ ୨୧୫୭ରେ ଥିବା ଦୁଇଟି ତିନି ମହଲା କୋଠା, ଡେଙ୍ଗିଭାଡ଼ିର ଦୁଇ ମହଲା କୋଠା, ଲେଫ୍ରିପଡ଼ା ଥାନା କୁକୁରିଡିହି ପୈତୃକ ଗୃହ, ସରେଇକେଲା ଶ୍ଵଶୁର ଘର ଓ ସୁନ୍ଦରଗଡ଼ ସହରସ୍ଥିତ ସରକାରୀ ଅଫିସ। ଏଯାଏ ଚାଙ୍କ ଘରୁ ନଗଦ ୨ ଲକ୍ଷ ୯୭ ହଜାର ଟଙ୍କା, ବିପୁଳ ସୁନା ଗହଣା ଓ ବହୁ ବ୍ୟାଙ୍କ ଜମା ଜବତ କରିଛି ଭିଜିଲାନ୍ସ। ସମ୍ପତ୍ତି ପରିମାଣ କେତେ ତାର ଆକଳନ ଚଳାଇଛି। ଭିଜିଲାନ୍ସ ଟିମର ଚଢାଉ ଜାରି ରହିଛି।