ଆଧାର କାର୍ଡ଼ଧାରୀଙ୍କ ପାଇଁ ବଡ଼ ଖବର

ନୂଆଦିଲ୍ଲୀ: ୟୁନିକ୍ ଆଇଡେଣ୍ଟିଫିକେସନ୍ ଅଥରିଟି ଅଫ୍ ଇଣ୍ଡିଆ ପୁଣିଥରେ ଆଧାରକୁ ଅପଡେଟ୍ କରିବାର ସମୟ ସୀମାକୁ ୬ମାସ ପର୍ଯ୍ୟନ୍ତ ବୃଦ୍ଧି କରିଛି।

ଆଧାରକୁ ମାଗଣାରେ ଅପଡେଟ୍ କରିବାର ଶେଷ ସମୟ ୧୪ ଡିସେମ୍ବର ୨୦୨୪ ପର୍ଯ୍ୟନ୍ତ ଥିଲା। ବର୍ତ୍ତମାନ ଏହାକୁ ୧୫ଜୁନ୍ ୨୦୨୫କୁ ବୃଦ୍ଧି କରାଯାଇଛି।

ସରକାର ଏହି ସମୟସୀମାକୁ ଅନେକ ଥର ବୃଦ୍ଧି କରିସାରିଛନ୍ତି। ଏହା ପୂର୍ବରୁ ତିନି ମାସ ପାଇଁ ବୃଦ୍ଧି କରାଯାଇଥିଲାବେଳେ ଏଥର ସମୟସୀମା ୬ ମାସକୁ ବୃଦ୍ଧି କରାଯାଇଛି। ୟୁନିକ୍ ଆଇଡେଣ୍ଟିଫିକେସନ୍ ଅଥରିଟି ଅଫ୍ ଇଣ୍ଡିଆ ଫେସବୁକରେ ଏକ ପୋଷ୍ଟ ମାଧ୍ୟମରେ ଏହି ସୂଚନା ଦେଇଛି ।

ଆଧାର କେନ୍ଦ୍ରଗୁଡ଼ିକରେ ଅଫଲାଇନ୍ ଅପଡେଟ୍ ପାଇଁ ଦେୟ ଆଦାୟ କରାଯାଇଥାଏ। କିନ୍ତୁ ମାଇ ଆଧାର ପୋର୍ଟାଲରେ ମାଗଣାରେ ଆଧାର ଅପଡେଟ୍ କରିବାର ସୁବିଧା ଉପଲବ୍ଧ ରହିଛି। ଏହାର ଅର୍ଥ ହେଉଛି ଯଦି ଆପଣ ଆଧାର କେନ୍ଦ୍ରକୁ ଯାଇ କୌଣସି ସୂଚନା ଅପଡେଟ୍ କରିବାକୁ ଚାହାଁନ୍ତି, ତେବେ ଆପଣଙ୍କୁ ଏଥିପାଇଁ  ଦେୟ ଦେବାକୁ ପଡିବ। ଆଧାର ଅପଡେଟ୍ ପାଇଁ ଆପଣଙ୍କୁ ଦୁଇଟି ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ୍ ଦରକାର ପଡ଼ିବ। ପ୍ରଥମଟି ହେଉଛି ପରିଚୟ ପତ୍ର ଏବଂ ଦ୍ୱିତୀୟ ଠିକଣା ପ୍ରମାଣପତ୍ର।

ବର୍ତ୍ତମାନ ସମୟରେ ଆଧାର ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟରେ ପରିଣତ ହୋଇଛି, ଯାହା ସରକାରୀ ଯୋଜନା, ବ୍ୟାଙ୍କ ଆକାଉଣ୍ଟ ଖୋଲିବା, ଟ୍ରେନ୍ ଏବଂ ଫ୍ଲାଇଟ୍ ଟିକେଟ୍ ବୁକିଂ ଭଳି ଅନେକ କାର୍ଯ୍ୟରେ ବ୍ୟବହୃତ ହେଉଛି।

 କେବଳ ଏତିକି ନୁହେଁ ନାମ, ଠିକଣା, ବୟସ, ଲିଙ୍ଗ, ଏବଂ ବାୟୋମେଟ୍ରିକ୍ ତଥ୍ୟ ପରି ପ୍ରତ୍ୟେକ ବ୍ୟକ୍ତିଙ୍କ ଜନସଂଖ୍ୟା ସୂଚନା ଆଧାର କାର୍ଡରେ ରେକର୍ଡ କରାଯାଇଛି ।

ଆଧାର ଅପଡେଟ୍ କରିବା ବାଧ୍ୟତାମୂଳକ ନୁହେଁ। ୟୁନିକ୍ ଆଇଡେଣ୍ଟିଫିକେସନ୍ ଅଥରିଟି ଅଫ୍ ଇଣ୍ଡିଆ ଅନେକ ଥର ସ୍ପଷ୍ଟ କରିଛି ଯେ ଆଧାର ଅପଡେଟ୍ କରିବା ଜରୁରୀ ନୁହେଁ । ଯଦିଓ, ଆଧାର କାର୍ଡ ପୁରୁଣା ତେବେ ଏହାକୁ ଅପଡେଟ୍ କରିନେବା ଉଚିତ।