ଚୀନ୍‌ ରସୁଣ ୟୁଏଇ ବାଟେ ଭାରତକୁ ଆସୁଛି

ମୁମ୍ବାଇ: ଦେଶରେ ଚୀନ୍ ସହିତ ବ୍ୟବସାୟ କରିବାକୁ ଏକ ନିଷେଧାଦେଶ ରହିଛି। ଏହା ସତ୍ତ୍ବେ ୱାସିରେ ଥିବା କୃଷି ଉତ୍ପାଦନ ଏବଂ ପଶୁପାଳନ ବଜାର କମିଟି(ଏପିଏମସି)ର ଆଳୁ-ପିଆଜ ବଜାରରେ କିଛି ବ୍ୟବସାୟୀ ଲାଭ ପାଇବା ପାଇଁ ଚୀନ୍‌ରୁ ଆମଦାନୀ ହୋଇଥିବା ରସୁଣ ବିକ୍ରି କରୁଛନ୍ତି। ଶତ୍ରୁ ଦେଶ ସହିତ ଜାରି ରହିଥିବା ଏହି ବାଣିଜ୍ୟକୁ ନେଇ ସରକାର ନୀରବ ରହିଛନ୍ତି। ଏପିଏମସିରେ ଏହାକୁ ନେଇ ଚର୍ଚ୍ଚା ଜାରି ରହିଛି। 

ଚୀନ୍‌ରୁ ଆମଦାନୀ ହୋଇଥିବା ରସୁଣ ବଜାରରେ ବିକ୍ରି ହେଉଛି। ଏହା ଜାଣିବା ସତ୍ତ୍ବେ ଏପିଏମସି ପ୍ରଶାସନ କେବଳ ନିଜର ଟିକସ ସଂଗ୍ରହରେ ସୀମିତ ରହିଛନ୍ତି। ଫଳରେ ଭାରତରେ ରସୁଣ ଉତ୍ପାଦନ କରୁଥିବା କୃଷକ ଏବଂ ଭାରତୀୟ ରସୁଣ ବ୍ୟବସାୟ କରୁଥିବା ହୋଲସେଲରମାନେ କ୍ଷତି ସହୁଛନ୍ତି।

କୌତୁହଳର ବିଷୟ ହେଉଛି ଗୁଜୁରାଟର ମୁନ୍ଦ୍ରା ବନ୍ଦରରେ ପହଞ୍ଚିଥିବା ଏହି ରସୁଣକୁ ଜମ୍ମୁ-କଶ୍ମୀରର ପୁଞ୍ଚ୍ ଅଞ୍ଚଳର କେତେକ ବ୍ୟବସାୟୀ  ୟୁଏଇରୁ ଆମଦାନୀ କରୁଥିବା କୁହାଯାଉଛି।

ଆଳୁ-ପିଆଜ ବଜାରରେ ବ୍ୟବସାୟୀଙ୍କ ଅନୁସାରେ ଚୀନ୍‌ର ରସୁଣକୁ ଆଫଗାନିସ୍ତାନ ରସୁଣ କୁହାଯାଉଛି, କିନ୍ତୁ ଆଫଗାନିସ୍ତାନରେ ରସୁଣ ଉତ୍ପାଦିତ ହେଉନାହିଁ। ଏହାକୁ ଭାରତ-ଚୀନ୍ ସୀମା ବାଟେ ନ ଅଣାଯାଇ ୟୁଏଇ ବାଟେ ଆମଦାନୀ କରାଯାଉଛି।

ବଜାରରେ ଚୀନ୍‌ର ରସୁଣ  କିଲୋଗ୍ରାମ ପିଛା ୨୫୦ ରୁ ୩୦୦ ଟଙ୍କାରେ ବିକ୍ରି ହେଉଛି। ଚୀନ୍‌ରୁ ରସୁଣ ଆସିବା ଯୋଗୁ ଭାରତୀୟ କୃଷକମାନେ ବଜାରକୁ ପଠାଯାଇଥିବା ରସୁଣର ମୂଲ୍ୟ ହ୍ରାସ ପାଇବାରେ ଲାଗିଛି।

ଅଧିକ ପଢ଼ନ୍ତୁ: ରାୟ ନ୍ୟାୟର ଉପହାସ: ରାମମନ୍ଦିର ଉପରେ ପ୍ରଶ୍ନ ଉଠାଇଲେ ପୂର୍ବତନ ବିଚାରପତି

ଯଦି ବଜାରକୁ ଚୀନ୍‌ର ରସୁଣ ଆସୁ ନ ଥାନ୍ତା, ତେବେ ଭାରତୀୟ ରସୁଣର ମୂଲ୍ୟ କିଲୋଗ୍ରାମ ପ୍ରତି ୪୦୦ ଟଙ୍କା ହୋଇଥାନ୍ତା।

ଭାରତର ଉଟି ଅଞ୍ଚଳର କୃଷକମାନଙ୍କ ଦ୍ବାରା ଉତ୍ପାଦିତ ରସୁଣ କିଲୋଗ୍ରାମ ପିଛା ୨୫୦ ରୁ ୩୧୦ ଟଙ୍କା ଏବଂ ସ୍ଥାନୀୟ ରସୁଣ କିଲୋଗ୍ରାମ ପିଛା ୨୦୦ ରୁ ୨୯୦ ଟଙ୍କାରେ ବିକ୍ରି ହେଉଥିବା ୱାସି ପନିପରିବା ମଣ୍ଡି ପକ୍ଷରୁ କୁହାଯାଇଛି।

ଅଧିକ ପଢ଼ନ୍ତୁ: ଶୋଚନୀୟ ପରାଜୟର ବଡ଼ କାରଣ