ନିର୍ବନ୍ଧରେ ଅତିଥିଙ୍କ ପାଇଁ ସୁଇଗିରୁ ଖାଦ୍ୟ ମଗାଯିବା ପରେ କମ୍ପାନି ଦେଲା ଏଭଳି ପ୍ରତିକ୍ରିୟା

ନୂଆଦିଲ୍ଲୀ: ଗତ କିଛି ବର୍ଷ ମଧ୍ୟରେ ଅନଲାଇନ୍ ଖାଦ୍ୟ ବିତରଣ କମ୍ପାନି ଜୋମାଟୋ ଏବଂ ସ୍ବଇଗିର ଲୋକପ୍ରିୟତା ଦ୍ରୁତ ଗତିରେ ବୃଦ୍ଧି ପାଇଛି । ଆପଣ ମଧ୍ୟ ଏହି ଇ-କମର୍ସ ଖାଦ୍ୟ ବିତରଣ ଆପ୍ ବ୍ୟବହାର କରିଥିବେ, କିନ୍ତୁ ଆପଣ କେବେ ଶୁଣିଛନ୍ତି ନିର୍ବନ୍ଧ ଭଳି ଏକ ବଡ଼ କାର୍ଯ୍ୟକ୍ରମରେ ଅତିଥିଙ୍କ ପାଇଁ ଅନଲାଇନ‌ରୁ ଖାଦ୍ୟ ଅର୍ଡର କରାଯିବା ଘଟଣା। ଏମିତି ଏକ ଘଟଣା ନିକଟରେ ଘଟିଛି।

ସାଧାରଣତଃ ଲୋକମାନେ ବିବାହ ଏବଂ ବିବାହ ପରି କାର୍ଯ୍ୟକ୍ରମରେ ଭଲଭଲ ରୋଷେୟା ଡାକି ଅତିଥିଙ୍କ ପାଇଁ ରୋଷେଇ କରିଥାଆନ୍ତି। କିନ୍ତୁ ଦିଲ୍ଲୀର ଏକ ଦମ୍ପତି ସେମାନଙ୍କ ନିର୍ବନ୍ଧରେ ସୁଇଗି ମାଧ୍ୟମରେ ଅତିଥିମାନଙ୍କ ପାଇଁ ଖାଦ୍ୟ ଅର୍ଡର କରିଛନ୍ତି ।

ଏହି ନିର୍ବନ୍ଧ ଉତ୍ସବରେ ଯୋଗ ଦେଇଥିବା ଅତିଥି ସୋସିଆଲ ମିଡିଆରେ ସୁଇଗିରୁ ଖାଦ୍ୟ ଅର୍ଡର କରାଯାଇ ରଖାଯାଇଥିବାର ଏକ ଫଟୋ ସେୟାର କରିଛନ୍ତି।

ଯେଉଁଥିରେ ଏକ ତମ୍ବୁ ସ୍ଥାପିତ ହୋଇଛି ସେଥିରେ ସୁଇଗିର ଅନେକ ଖାଦ୍ୟ ବାକ୍ସ ଟେବୁଲ ଉପରେ ରଖାଯାଇଥିବା ଦେଖିବାକୁ ମିଳୁଛି। ଏଥିସହିତ ସୁଇଗି ଟି-ସାର୍ଟ ପିନ୍ଧିଥିବା ଏକ ଡେଲିଭରି ପାର୍ଟନର ମଧ୍ୟ ସେଠାରେ ଠିଆ ହୋଇଥିବା ନଜରକୁ ଆସିଛନ୍ତି।

ଏହି ଫଟୋକୁ ସୁସ୍ମିତା ‌ନାମକ ଜଣେ ସୋସିଆଲ ମିଡିଆ ବ୍ୟବହାରକାରୀ ଏକ୍ସରେ ସେୟାର କରିଛନ୍ତି।

ଏହି ପୋଷ୍ଟକୁ ଦେଖିବା ପରେ ସୁଇଗି ଏହାର ଅଫିସିଆଲ୍ ଏକ୍ସ ହ୍ୟାଣ୍ଡେଲରୁ ଏହି ଫଟୋ ସେୟାର କରି ଲେଖିଛି, ଆମର କ୍ରେଜି ଡିଲ୍ସର ବ୍ୟବହାର ଏହି ଗ୍ରାହକଙ୍କ ଭଳି କେହି କରି ନାହାନ୍ତି। ଏତେଗୁଡ଼ାଏ ଖାଦ୍ୟ ଅର୍ଡର କରିଥିବାରୁ ଦମ୍ପତ୍ତିଙ୍କ ପାଇଁ ଖାଦ୍ୟ ମାଗଣାରେ ପଠାଯାଇଛି।’