ହିରୋର ନୂଆ ବାଇକ୍, ସ୍କୁଟର୍‌

ଭୁବନେଶ୍ବର: ହିରୋ ମୋଟୋକର୍ପ ତରଫରୁ ଆଜି ନୂଆ ଗାଡ଼ିର ଡିଜିଟାଲ୍ ଉନ୍ମୋଚନ କରାଯାଇଛି। କଂପାନି ନୂ୍ଆ ବାଇକ୍ ଓ ସ୍କୁଟର୍‌ ଆଣିଛି। ଏହି ଉନ୍ମୋଚନ ପାଇଁ ମଞ୍ଚେଶ୍ବର ଶିଳ୍ପାଞ୍ଚଳରେ ଥିବା ଭାରତ ମୋଟର୍ସରେ ସ୍ବତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। କଂପାନି ତରଫରୁ ନୂଆ ଏକ୍ସପ୍ଲସ୍‌ ଟି, ଏକ୍ସଟ୍ରିମ୍ ୨୦୦ଏସ୍‌, ମାଏଷ୍ଟ୍ରୋ ଏଜ୍ ଏଫ୍‌ଆଇ ଓ ପ୍ଲେଜର୍‌ +କୁ ଉନ୍ମୋଚନ କରାଯାଇଥିଲା। ପ୍ରିମିୟମ୍ ବର୍ଗରେ କଂପାନି ଏହି ଚାରି ଗାଡ଼ିକୁ ଉପସ୍ଥାପନ କରିଛି। ଡିଲରସିପ୍‌ରେ ଉପସ୍ଥିତ କର୍ମଚାରୀ ଓ ଅଧିକାରୀମାନେ ଏହି ଉନ୍ମୋଚନ କାର୍ଯ୍ୟକ୍ରମକୁ ପରଦାରେ ଦେଖିଥିଲେ। ଏହି ଅବସରରେ ଭାରତ ମୋଟର୍ସର ପରିଚାଳନା ନିର୍ଦେଶକ ଓମ ପ୍ରକାଶ ଡିଡ୍‌ୱାନିଆ, ନିର୍ଦେଶକ ଆଦିତ୍ୟ ବିକ୍ରମ ଡିଡ୍‌ୱାନିଆ, ହିରୋ ମୋଟୋକର୍ପର ବରିଷ୍ଠ ଏଏସ୍‌ଏମ୍ ଅବ୍‌ଦୁଲ ଆହାଦ୍ ଉପସ୍ଥିତ ଥିଲେ।