ନାଲ୍‌କୋରେ ସତର୍କତା ସଚେତନତା ସପ୍ତାହ ପାଳନ

ଭୁବନେଶ୍ବର: ନ୍ୟାସନାଲ୍ ଆଲୁମିନିୟମ କଂପାନି (ନାଲ୍‌କୋ) ତରଫରୁ ସତର୍କତା ସଚେତନତା ସପ୍ତାହ ୨୦୧୯ ପାଳନ କରାଯାଇଛି। ଅକ୍ଟୋବର ୨୮ରୁ ନଭେମ୍ବର ୨ ତାରିଖ ପର୍ଯ୍ୟନ୍ତ ଏହି ସପ୍ତାହ ପାଳନ କରାଯିବ। ଏହି ଅବସରରେ ନାଲ୍‌କୋର ଅଧ୍ୟକ୍ଷ ଡକ୍ଟର ତପନ କୁମାର ଚାନ୍ଦ, ନିର୍ଦେଶକ (ବାଣିଜ୍ୟ) ପି କେ ମିଶ୍ର ଓ ମୁଖ୍ୟ ସତର୍କତା ଅଧିକାରୀ ସୋମନାଥ ହାଁସଦା କର୍ମଚାରୀମାନଙ୍କୁ ଓଡ଼ିଆ, ହିନ୍ଦୀ ଓ ଇଂରାଜିରେ ଶପଥ ପାଠ କରାଇଥିଲେ। ଏହି ଅବସରରେ ନିର୍ଦେଶକ (ପିଆଣ୍ଡ୍‌ଟି) ଏସ୍‌ କେ ରାୟ, ନିର୍ଦେଶକ (ଅର୍ଥ) ଶ୍ରୀଧର ପାତ୍ର ଓ ଅନ୍ୟ ଅଧିକାରୀମାନେ ଉପସ୍ଥିତ ଥିଲେ। ଏହି ସପ୍ତାହରେ ନାଲ୍‌କୋ ତରଫରୁ ବକ୍ତୃତା ଓ ପୋଷ୍ଟର ପ୍ରତିଯୋଗିତା ଆୟୋଜନ କରାଯାଉଛି ଯେଉଁଥିରେ ରାଜ୍ୟର ୧୦୦ରୁ ଅଧିକ ସ୍କୁଲ୍‌ର ୬୦୦ରୁ ଅଧିକ ଛାତ୍ରଛାତ୍ରୀ ଅଂଶଗ୍ରହଣ କରିଛନ୍ତି। ଏହା ବ୍ୟତୀତ ୱାକାଥନ୍, ସାଇକ୍ଲୋଥନ୍, ଗ୍ରାମସଭା, ଆଲୋଚନାଚକ୍ର, କର୍ମଶାଳା, ପାମ୍ପ୍‌ଲେଟ୍‌ ବିତରଣ ଏବଂ ମିନି ମାରାଥନ୍ ଆଦି ଆୟୋଜନ କରାଯାଉଛି।