ଚାର୍ଜର ଯୋଗୁ ଫୋନ୍ ବିସ୍ଫୋରଣ! ବିଆଇଏସ କେୟାର ଆପ୍ କରିବ ସଚେତନ,କରନ୍ତୁ ଇନଷ୍ଟଲ୍

ନୂଆଦିଲ୍ଲୀ: ଟାଇପ୍-ସି ଚାର୍ଜର ସମ୍ପ୍ରତି ବହୁଳଭାବେ ବ୍ୟବହାର କରାଯାଉଛି। କିନ୍ତୁ ନକଲି ଚାର୍ଜର ଫୋନକୁ କ୍ଷତି ପହଞ୍ଚାଇପାରେ ଏବଂ ଫୋନ୍ ବିସ୍ଫୋରଣ କରିପାରେ। ତେଣୁ, ମୂଳ ଚାର୍ଜର ବ୍ୟବହାର କରିବା ଅତ୍ୟନ୍ତ ଜରୁରୀ।

କିନ୍ତୁ ସବୁଠାରୁ ବଡ ପ୍ରଶ୍ନ ହେଉଛି ଚାର୍ଜରଟି ଅସଲି କି ନକଲି ତାହା କିପରି ଜାଣିହେବ? ବାସ୍ତବରେ, ଏହା ଜାଣିବାର ଏକ ସହଜ ଉପାୟ ଅଛି। ଏଥିପାଇଁ ଫୋନ୍ ଡିଭାଇସରେ ଏକ ସରକାରୀ ଆପ୍ ଇନଷ୍ଟଲ କରିବାକୁ ପଡିବ, ଯାହା ପରେ  ଚାର୍ଜର ସହିତ ଜଡିତ ସମସ୍ତ ସୂଚନା ମିଳି ପାରିବ। ଏହା ହେଉଛି ବିଆଇଏସ କେୟାର ଆପ୍।

ବିଆଇଏସ୍ କେୟାର ଆପ୍ ହେଉଛି ଭାରତ ସରକାରଙ୍କ ଦ୍ବାରା ପ୍ରଦାନ କରାଯାଇଥିବା ଏକ ସେବା ଯାହା ଜନସାଧାରଣଙ୍କୁ କୌଣସି ଉତ୍ପାଦ ଅସଲି ନା ନକଲି ତାହାର ସତ୍ୟତା ଯାଞ୍ଚ କରିବାରେ ସାହାଯ୍ୟ କରେ। ଏହି ଆପ୍ ସହିତ  ସହଜରେ ଜାଣିହେବ ଚାର୍ଜର ଅସଲି କି ନକଲି। ଗୁଗୁଲ୍ ପ୍ଲେ ଷ୍ଟୋର କିମ୍ବା ଆପଲ୍ ଆପ୍ ଷ୍ଟୋରରୁ ସ୍ମାର୍ଟଫୋନରେ ଏହି ଆପ୍କୁ ସହଜରେ ଡାଉନଲୋଡ୍ କରିହେବ।  

ନକଲି ଚାର୍ଜର କିପରି ଚିହ୍ନଟ ହେବ?

ବିଆଇଏସ କେୟାର ଆପ୍ ଖୋଲି “Verify R no. Under CRS”ରେ ଅପ୍ସନ୍ ସିଲେକ୍ଟ କରିବାକୁ ହେବ।

ଏଠାରେ ଦୁଇଟି ବିକଳ୍ପ ମିଳିବ ଉତ୍ପାଦ ପଞ୍ଜିକରଣ ସଂଖ୍ୟା କିମ୍ବା ଉତ୍ପାଦ QR କୋଡ୍। ଚାର୍ଜରରେ ଦିଆଯାଇଥିବା ନମ୍ବର କିମ୍ବା କୋଡ୍ ପ୍ରବେଶ କିମ୍ବା ସ୍କାନ୍ କରିବାକୁ ହେବ।

ଆପ୍ ଚାର୍ଜର ବିଷୟରେ ସମ୍ପୂର୍ଣ୍ଣ ସୂଚନା ଦେବ, ଯେପରିକି ବ୍ରାଣ୍ଡ, ମଡେଲ ନମ୍ବର ଏବଂ ଏହା ଭାରତରେ ପଞ୍ଜିକୃତ ହୋଇଛି କି ନାହିଁ ।

ସାଧାରଣତଃ ପଞ୍ଜିକରଣ ନମ୍ବର ଚାର୍ଜର୍ କିମ୍ବା ଏହାର ପ୍ୟାକେଜିଂ ଉପରେ “R-XXXXXXX” ଫର୍ମାଟରେ ଲେଖାଯାଇଥାଏ। ଏହି ନମ୍ବର ପାଇଁ ଚାର୍ଜର କ୍ରୟ ରସିଦ ଯାଞ୍ଚ କରିବାକୁହେବ। ରସିଦରେ ଏହି ନମ୍ବର ମିଳିବ।

ଅଧିକ ପଢ଼ନ୍ତୁ:କେଜ୍ରିୱାଲଙ୍କ ଇସ୍ତଫା ନିଷ୍ପତ୍ତି: ଦିଲ୍ଲୀ ନିର୍ବାଚନ ପୂର୍ବରୁ ମାଷ୍ଟରଷ୍ଟ୍ରୋକ୍

ନକଲି ଚାର୍ଜର ଯୋଗୁ ଫୋନରେ କ୍ଷତି ହେବାର ଆଶଙ୍କା ଅଛି । ବିଆଇଏସ୍ ହେଉଛି ଭାରତ ସରକାରଙ୍କ ଏକ ବିଶ୍ୱସ୍ତ ଅନୁଷ୍ଠାନ। ତେଣୁ, ଏହି ଆପର ଗୋପନୀୟତା ବିଷୟରେ ଚିନ୍ତା କରିବାକୁ ପଡିବ ନାହିଁ । ଚାର୍ଜର୍ ବ୍ୟତୀତ, ଏହି ଆପ୍ ଦ୍ବାରା ଅନେକ ପ୍ରକାରର ଉତ୍ପାଦ ଅସଲି ନା ନକଲି ତାହାର ସତ୍ୟତା ଯାଞ୍ଚ କରିହେବ। 

ଅଧିକ ପଢ଼ନ୍ତୁ:ବାଇଡେନ-ହାରିସ୍‌ଙ୍କ ଉପରେ ହେଉନି ଗୁଳିମାଡ଼: ମସ୍କ୍‌ଙ୍କ ବିବାଦୀୟ ମନ୍ତବ୍ୟ