କେଜ୍ରିୱାଲଙ୍କ ଇସ୍ତଫା ନିଷ୍ପତ୍ତି: ଦିଲ୍ଲୀ ନିର୍ବାଚନ ପୂର୍ବରୁ ମାଷ୍ଟରଷ୍ଟ୍ରୋକ୍

ନୂଆଦିଲ୍ଲୀ: ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ତାଙ୍କ ପଦରୁ ଇସ୍ତଫା ଘୋଷଣା କରିଛନ୍ତି। ଏହା ସହିତ ସେ ଦିଲ୍ଲୀର ଲୋକଙ୍କଠାରୁ ଏକ ନୂଆ ଜନାଦେଶ ମାଗିଛନ୍ତି।

ସେ କହିଛନ୍ତି ଯେ ଯେପର୍ଯ୍ୟନ୍ତ ଜନସାଧାରଣ ସେମାନଙ୍କର ରାୟ ନ ଦେବେ ସେପର୍ଯ୍ୟନ୍ତ ମୁଁ ମୁଖ୍ୟମନ୍ତ୍ରୀଙ୍କ ଆସନରେ ବସିବି ନାହିଁ। ସୁପ୍ରିମକୋର୍ଟରୁ ଜାମିନ ପାଇବାର ଦୁଇ ଦିନ ପରେ ଏହି ନିଷ୍ପତ୍ତି ନିଆଯାଇଛି। କେଜ୍ରିୱାଲଙ୍କ ଇସ୍ତଫା ନିଷ୍ପତ୍ତି ଦିଲ୍ଲୀ ନିର୍ବାଚନ ପୂର୍ବରୁ ଏକ ମାଷ୍ଟରଷ୍ଟ୍ରୋକ୍ ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି।

କେଜ୍ରିୱାଲ ମଦ ଦୁର୍ନୀତିରେ ସମ୍ପୃକ୍ତ ଥିବା ଅଭିଯୋଗ ହୋଇଛି ଏବଂ ତାଙ୍କ ଘନିଷ୍ଠ ନେତା ମନୀଷ ସିସୋଡିଆ ଏହି ମାମଲାରେ ୧୭ ମାସ ଜେଲରେ ବିତାଇଥିଲେ। କେଜ୍ରିୱାଲ ତାଙ୍କ ଇସ୍ତଫା ଘୋଷଣା କରି ଦିଲ୍ଲୀ ନିର୍ବାଚନ ପୂର୍ବରୁ ଏକ ନୂଆ ମାଷ୍ଟରଷ୍ଟ୍ରୋକ୍ ଖେଳିଛନ୍ତି, ଯାହା ମାଧ୍ୟମରେ ସେ ତାଙ୍କ ଭାବମୂର୍ତ୍ତିକୁ ସୁଧାରିବାର କରିବାକୁ ଚେଷ୍ଟା କରୁଛନ୍ତି ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି। କେଜ୍ରିୱାଲ ଏବଂ ତାଙ୍କ ଦଳର ଭାବମୂର୍ତ୍ତି କିଛି ସମୟ ପାଇଁ କ୍ଷତିଗ୍ରସ୍ତ ହୋଇଯାଇଥିଲା।।

ଏହି ନିଷ୍ପତ୍ତି ନିଶ୍ଚିତ ଭାବରେ ଆଶ୍ଚର୍ଯ୍ୟଜନକ, ବୋଲି ଜନସାଧାରଣ କହୁଛନ୍ତି। କିନ୍ତୁ ରାଜନୈତିକ ସମୀକ୍ଷକଙ୍କ ଅନୁସାରେ  ଗଭୀର ଭାବରେ ଅନୁଧ୍ୟାନ କଲେ ଏଥିରେ ଆଶ୍ଚର୍ଯ୍ୟଜନକ କିଛି ନାହିଁ। ଏହା ନିଶ୍ଚିତ ଯେ ଗଣମାଧ୍ୟମରେ କେଜ୍ରିୱାଲଙ୍କ ଏହି ପଦକ୍ଷେପ ହେଡଲାଇନ ସୃଷ୍ଟି କରିବ ।

ଗୋଟିଏ ପଟେ ଆମ୍ ଆଦମୀ ପାର୍ଟି ଏହାକୁ ଜଣେ ନେତାଙ୍କ ନିଷ୍ପତ୍ତି ବୋଲି କହିବ ଯିଏ କ୍ଷମତା ଅପେକ୍ଷା ନୈତିକତାକୁ ଅଧିକ ଗୁରୁତ୍ୱ ଦେଇଥିବା କୁହାଯିବ। ଅନ୍ୟପକ୍ଷରେ, ସେ ୬ ମାସ ପୂର୍ବରୁ ଜେଲ ଯିବା ପରେ ନିଜ ପଦରୁ କାହିଁକି  ଇସ୍ତଫା ଦେଇ ନ ଥିଲେ, ଏବଂ ସେତେବେଳେ କାହିଁକି ନୈତିକତା ପ୍ରଦର୍ଶନ  କରି ନ ଥିଲେ ବୋଲି ବିରୋଧୀ ପ୍ରଶ୍ନ କରିବା ଆରମ୍ଭ କରିଛନ୍ତି। 

କେଜ୍ରିୱାଲଙ୍କୁ ଲୋକସଭା ନିର୍ବାଚନରେ ​​ପ୍ରଚାର କରିବାକୁ କୋର୍ଟ ଅନୁମତି ଦେଇଥିଲେ, କିନ୍ତୁ ଜନସାଧାରଣ ଏଥିପ୍ରତି ଧ୍ୟାନ ଦେଇ ଥିଲେ ଏବଂ ଦିଲ୍ଲୀର ସମସ୍ତ ସାତୋଟି ଆସନରେ ବିଜେପି ଜିତିଥିଲା। ତେବେ, ୨୦୧୯ ତୁଳନାରେ ବିଜୟ ମାର୍ଜିନ କମ୍ ଥିଲା । ଏପରିକି ପଞ୍ଜାବରେ, ଯେଉଁଠାରେ ୨୦୨୨ ବିଧାନସଭା ନିର୍ବାଚନରେ ​​ଆପ୍ ବିଜୟୀ ହୋଇଥିଲା, ଦଳ ବର୍ତ୍ତମାନ ସେଠାରେ ପଛକୁ ଫେରିଥିବା ଜଣାପଡିଛି। ଜୁନ୍ ମାସରେ ଅନୁଷ୍ଠିତ ଲୋକସଭା ନିର୍ବାଚନରେ ​​ଆପ୍ ପଞ୍ଜାବର ୧୩ଟି ସିଟ୍ ମଧ୍ୟରୁ ତିନୋଟି ଜିତିଥିଲା। ଏହାପୂର୍ବରୁ, ୨୦୨୨ ଦିଲ୍ଲୀ ମ୍ୟୁନିସିପାଲିଟି କର୍ପୋରେସନ୍ ନିର୍ବାଚନରେ, ଆପ୍ ୨୫୦ ସିଟ୍ ମଧ୍ୟରୁ ୧୩୪ଟି ଜିତି ବହୁମତ ହାସଲ କରିଥିଲା। କିନ୍ତୁ ଆପ୍ ଏବଂ ବିଜେପିର ଭୋଟ୍ ଅଂଶରେ ପାର୍ଥକ୍ୟ ମାତ୍ର ତିନି ପ୍ରତିଶତ ଥିଲା।

ଆଜିର ଆମ୍ ଆଦମୀ ପାର୍ଟି ୨୦୧୩-୧୪ ର ଦଳ ଭଳି ନୁହେଁ। ଦଳ  ବିରୋଧୀ ତରଙ୍ଗର ସମ୍ମୁଖୀନ ହୋଇଛି। ଏହା ବ୍ୟତୀତ, ଆପ୍ ସହିତ ଏକ ସମସ୍ୟା ମଧ୍ୟ ରହିଛି ଯେ ଦୁର୍ନୀତି ବିରୋଧୀ ତରଙ୍ଗରେ କ୍ଷମତାକୁ ଆସିଥିବା ଏହି ଦଳ ନିଜର ଚମକ ହରାଇଛି। ମୁଖ୍ୟମନ୍ତ୍ରୀଙ୍କ କାର୍ଯ୍ୟକଳାପ ଏହି ହ୍ରାସକୁ ଆହୁରି ବଢ଼ାଇ ଦେଇଛି। ପ୍ରଥମେ ବିଳାସପୂର୍ଣ୍ଣ ସରକାରୀ ଘର ନିର୍ମାଣ ପାଇଁ ତାଙ୍କୁ ସମାଲୋଚନାର ସମ୍ମୁଖୀନ ହେବାକୁ ପଡିଥିଲା। ତା’ପରେ ଇଡି ଏବଂ ସିବିଆଇ ମଦ ଦୁର୍ନୀତିରେ ତାଙ୍କ ଭୂମିକା ଦର୍ଶାଇଥିଲା।  ଏହା ତାଙ୍କ ଭାବମୂର୍ତ୍ତିକୁ ଆହୁରି ଖରାପ କରିଥିଲା। ଉପମୁଖ୍ୟମନ୍ତ୍ରୀ ମନୀଷ ସିସୋଡିଆ ଏହି ସ୍କାମରେ ତାଙ୍କ ଭୂମିକା ପାଇଁ ୧୭ମାସ ଜେଲରେ ରହିଥିଲେ। ଅନ୍ୟ ଜଣେ ପୂର୍ବତନ ମନ୍ତ୍ରୀ ସତ୍ୟେନ୍ଦ୍ର ଜୈନ ଏବଂ ବିଧାୟକ ଅମାନତୁଲ୍ଲା ଖାନ ଏବେ ମଧ୍ୟ ଜେଲରେ ଅଛନ୍ତି।

ଅଧିକ ପଢ଼ନ୍ତୁ:ବାଇଡେନ-ହାରିସ୍‌ଙ୍କ ଉପରେ ହେଉନି ଗୁଳିମାଡ଼: ମସ୍କ୍‌ଙ୍କ ବିବାଦୀୟ ମନ୍ତବ୍ୟ

 

ଅଧିକ ପଢ଼ନ୍ତୁ:୬.୬ ତୀବ୍ରତାଯୁକ୍ତ ଭୂକମ୍ପରେ ଥରିଲା କାନାଡ଼ା