କେୱାଇସି ଅପଡେଟ୍ ନାଁରେ ହେଉଥିବା ଠକେଇରୁ ସତର୍କ ରହିବାକୁ ନାଗରିକଙ୍କୁ ସତର୍କ କରାଇଲା ଆରବିଆଇ

ନୂଆଦିଲ୍ଲୀ : କେୱାଇସି ଅପଡେଟ୍ ନାଁରେ ହେଉଥିବା ଠକେଇ କୁ ନେଇ ବ୍ୟାଙ୍କିଙ୍ଗ କ୍ଷେତ୍ରର ନିୟାମକ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ନାଗରିକମାନଙ୍କୁ ସତର୍କ କରାଇଛି। ଆରବିଆଇ କହିଛି ଯେ ସାମ୍ପ୍ରତିକ ସମୟରେ କେୱାଇସି ଅପଡେଟ୍ କରିବା ଆଳରେ ଅନେକ ଗ୍ରାହକ ଠକେଇର ଶିକାର ହୋଇଛନ୍ତି। ଏଭଳି ଅନେକ ଅଭିଯୋଗ ସାମ୍ନାକୁ ଆସିଛି। ଏଭଳି ପରିସ୍ଥିତିରେ କ୍ଷତିରୁ ବର୍ତ୍ତିବା ଏବଂ ଏଭଳି ଠକେଇରୁ ନିଜକୁ ରକ୍ଷା କରିବା ପାଇଁ ସତର୍କତା ଅବଲମ୍ବନ କରିବାକୁ ଆରବିଆଇ ନାଗରିକମାନଙ୍କୁ ପରାମର୍ଶ ଦେଇଛି।

କେୱାଇସି ଅପଡେଟ କରିବା ନାଁରେ ଲୋକମାନେ କିପରି ଠକେଇର ଶିକାର ହେଉଛନ୍ତି ସେ ନେଇ ଆରବିଆଇ ଏକ ପ୍ରେସ ବିଜ୍ଞପ୍ତି ଜାରି କରିଛି । ଏଭଳି ପରିସ୍ଥିତିରେ ଠକେଇ କରିବା ପାଇଁ ଗ୍ରାହକଙ୍କୁ ପ୍ରଥମେ ଫୋନ୍ କଲ୍, ଏସ୍ଏମ୍ଏସ୍ କିମ୍ବା ଇମେଲ୍ ଜରିଆରେ ମେସେଜ୍ ମିଳିଥାଏ। ଯାହା ମାଧ୍ୟମରେ ଗ୍ରାହକଙ୍କ ବ୍ୟକ୍ତିଗତ ତଥ୍ୟ ପ୍ରକାଶ କରି ସେମାନଙ୍କୁ ପ୍ରଭାବିତ କରିବାକୁ ଚେଷ୍ଟା କରାଯାଏ । ଏହାବ୍ୟତୀତ ସେମାନଙ୍କ ଆକାଉଣ୍ଟର ଲଗଇନ୍ ବିବରଣୀ ପଚରାଯାଏ କିମ୍ବା ସେମାନଙ୍କୁ ମେସେଜ ମାଧ୍ୟମରେ ଏକ ଲିଙ୍କ ପଠାଇ ଅନଧିକୃତ କିମ୍ବା ଅନଭେରିଫାଏଡ୍ ଆପ୍ ମୋବାଇଲ ୍ ଫୋନ୍ ଇନଷ୍ଟଲ କରିବାକୁ କୁହାଯାଏ।