ଡଲାର୍‌ ତୁଳନାରେ ପୁଣି ଟଙ୍କାର ମୂଲ୍ୟ ହ୍ରାସ ପାଇ ଟ. ୭୪. ୪୫ରେ ପହଞ୍ଚିଲା

ମୁମ୍ବାଇ: ଗୁରୁବାର ଦିନ ଆମେରିକୀୟ ଡଲାର୍‌ ତୁଳନାରେ ଟଙ୍କାର ମୂଲ୍ୟ ଆହୁରି ୨୪ ପଇସା ହ୍ରାସ ପାଇ ଟ. ୭୪. ୪୫ରେ ପହଞ୍ଚିଛି। ବିନା ପ୍ରତିବନ୍ଧକରେ ବିଦେଶୀ ଅର୍ଥ ବ୍ୟୟ ହୋଇ ଚାଲିଥିବା ବେଳେ ଆମେରିକୀୟ ମୁଦ୍ରା ପାଇଁ ଆମଦାନିକାରୀମାନଙ୍କ ମାତ୍ରାଧିକ ଚାହିଦା ଏବଂ ଘରୋଇ ସେୟାର୍‌ ବଜାରରେ ଦ୍ରୁତ କ୍ଷତି ଯୋଗୁଁ ଟଙ୍କାର ମୂଲ୍ୟ ଡଲାର୍‌ ତୁଳନାରେ ରେକର୍ଡ ମୂଲ୍ୟରେ ହ୍ରାସ ପାଉଥିବା କଥା କୁହାଯାଉଛି।

ଇଣ୍ଟର୍‌ବ୍ୟାଙ୍କ୍‌ ଫରେନ୍‌ ଏକ୍‌ସ୍‌ଚେଞ୍ଚ୍‌ (ଫୋରେକ୍ସ) ବଜାରରେ ଟଙ୍କାର ମୂଲ୍ୟ ହ୍ରାସ ପାଇ ୭୪. ୩୭ରେ ଖୋଲିବା ବେଳେ କ୍ରମେ ଆହୁରି ହ୍ରାସ ପାଇ ଟ. ୭୪. ୪୫ରେ ପହଞ୍ଚିଛି। ଅର୍ଥାତ୍‌ ପ୍ରାରମ୍ଭିକ ବ୍ୟବସାୟରେ ଡଲାର୍‌ ତୁଳନାରେ ଏହା ୨୪ ପାଇସା ହ୍ରାସ ପାଇଛି।

ଫୋରେକ୍ସ୍‍ ଡିଲର୍‌ମାନେ କହନ୍ତି: ଆମେରିକୀୟ ମୁଦ୍ରା ନିମନ୍ତେ ଆମଦାନିକାରୀଙ୍କ ତୀବ୍ର ଚାହିଦା ଛଡ଼ା ଆର୍ଥିକ ନିଅଣ୍ଟିଆ ପରିସ୍ଥିତି ବୃଦ୍ଧିର ଆଶଙ୍କା ଏବଂ ଟଙ୍କାର ଆଧାରରେ ପୁଞ୍ଜି ବ୍ୟୟ ମଧ୍ୟ ଏହାର ଅନ୍ୟାନ୍ୟ କାରଣ।