ସମ୍ବାଦ ସିଇଓ କନ୍‌କ୍ଲେଭ୍‌ ୨୦୨୪: ଅଭିଷେକ କର୍ଣ୍ଣାନି

ଅଭିଷେକ କର୍ଣ୍ଣାନି ହେଉଛନ୍ତି ଫ୍ରି ପ୍ରେସ୍‌ ଜର୍ଣ୍ଣାଲ୍ ଗ୍ରୁପ୍ ଅଫ୍‌ ପବ୍ଲିକେସନ୍ସର ସଭାପତି। ତାଙ୍କ ପରିବାର ଅଧୀନରେ ଏହି ସଂସ୍ଥା ପରିଚାଳିତ ହେଉଛି। ଏହି ପ୍ରକାଶନୀ ସଂସ୍ଥାର ବହୁ ଅଭିନବ ପ୍ରୟୋଗ ଓ ନବସୃଜନ ପଛରେ ଅଭିଷେକଙ୍କ ହାତ ରହିଛି। ତାଙ୍କ ସେହି ପ୍ରୟାସଗୁଡ଼ିକ ଫଳରେ ଫ୍ରି ପ୍ରେସ୍ ଜର୍ଣ୍ଣାଲ୍‌ ଗ୍ରୁପ୍ ଘରେ ଘରେ ପରିଚିତ ହୋଇପାରିଛି। ସେ ଅନ୍ତର୍ଜାତୀୟ ବିଜ୍ଞାପନ ସଂଘର ଉପାଧ୍ୟକ୍ଷ ଭାବେ ମଧ୍ୟ କାର୍ଯ୍ୟ କରୁଛନ୍ତି। ଏହା ହେଉଛି ବିଶ୍ବସ୍ତର ଉପରେ ଗୁରୁତ୍ବାରୋପ କରୁଥିବା ଏକ ସମନ୍ବିତ ବିଜ୍ଞାପନ ବ୍ୟବସାୟ ସଂଘ।

ଅଭିଷେକ ମୁମ୍ବାଇର ଏସ୍‌ପି ଜୈନ ଇନ୍‌ଷ୍ଟିଚ୍ୟୁଟ୍ ଅଫ୍ ମ୍ୟାନେଜ୍‌ମେଣ୍ଟ ଆଣ୍ଡ୍‌ ରିସର୍ଚ୍ଚରେ ଏମ୍‌ବିଏ ପାଠପଢ଼ିଛନ୍ତି। ୨୦୦୨ ପରଠାରୁ ସେ ଫ୍ରି ପ୍ରେସ୍ ଜର୍ଣ୍ଣାଲ୍‌ର ପରିଚାଳନା ଦାୟିତ୍ବରେ ରହିଛନ୍ତି। ସେ କମ୍ପାନିର ମାର୍କେଟିଂ ଓ ବ୍ରାଣ୍ଡିଂର ଦେଖାଶୁଣା କରୁଛନ୍ତି। ନବସୃଜନ ଓ ଅଭିନବ ସମାଧାନ ବିକାଶ କରିବା ଉପରେ ତାଙ୍କର ଦୃଢ଼ ବିଶ୍ବାସ ରହିଛି। ତାଙ୍କ ଉଦ୍ୟମରେ କମ୍ପାନିର କାରବାର ନୂତନ ଶିଖରରେ ପହଞ୍ଚିଛି। ତାଙ୍କର ଚମତ୍କାର ଯୋଗାଯୋଗ ଓ ଲଘୁ ଦକ୍ଷତା ରହିଛି। ଉଚ୍ଚ ଶିକ୍ଷାର ପ୍ରସାର ଲାଗି ସେ ପ୍ରତିବର୍ଷ ଯୋଗ୍ୟ ଏମ୍‌ବିଏ ଛାତ୍ରଛାତ୍ରୀମାନଙ୍କୁ ଶିକ୍ଷାବୃତ୍ତି ପ୍ରଦାନ କରୁଛନ୍ତି।