ଯୁଦ୍ଧ ଆଶଙ୍କା, କ୍ରମାଗତ ୫ମ ଦିନ ପାଇଁ ଖସିଲା ସେନସେକ୍ସ

ମୁମ୍ବାଇ: ମଧ୍ୟପ୍ରାଚ୍ୟରେ ଯୁଦ୍ଧ ଆଶଙ୍କା ମଧ୍ୟରେ କ୍ରମାଗତ ପଞ୍ଚମ ଦିନ ପାଇଁ ଭାରତୀୟ ଷ୍ଟକ ବଜାରରେ ବଡ଼ ଧରଣର ହ୍ରାସ ଘଟିଛି। ଆଜି ଦିନତମାମ ବଜାରରେ ପ୍ରବଳ ଅସ୍ଥିରତା ପ୍ରକାଶ ପାଇଥିଲା ଓ ସେନସେକ୍ସ ୮୦୮ ପଏଣ୍ଟ ଓ ନିଫଟି ୨୦୦ ପଏଣ୍ଟ ହ୍ରାସ ।

ଶୁକ୍ରବାର ସକାଳେ ହ୍ରାସ ସହ ବଜାର ଖୋଲିଥିଲେ ହେଁ ସେନସେକ୍ସ ୮୭୦ ଓ ନିଫ୍ଟି ୨୩୫ ପଏଣ୍ଟ ବୃଦ୍ଧି ପାଇଥିଲା। କିନ୍ତୁ କାରବାର ଶେଷ ହେବା ପୂର୍ବରୁ ବଜାର ଦ୍ରୁତ ଲାଭ ବୁକିଂକୁ ଫେରିଥିଲା ଏବଂ ସେନସେକ୍ସ ୧୮୩୫ କୁ ଖସି ଆସିଥିଲା ଏବଂ ନିଫ୍ଟି ଦିନର ସର୍ବୋଚ୍ଚ ସ୍ତରରୁ ୫୨୦ ପଏଣ୍ଟକୁ ଖସି ଆସିଥିଲା । ଏଫ୍ଏମ୍ସିଜି, ବ୍ୟାଙ୍କିଙ୍ଗ୍ ଓ ଏନର୍ଜି ସେୟାରରେ ବିକ୍ରି ଯୋଗୁଁ ବଜାରରେ ଏହି ହ୍ରାସ ଘଟିଛି। କାରବାର ଶେଷ ହେବା ବେଳକୁ ସେନସେକ୍ସ ୮୦୮ ପଏଣ୍ଟ ହ୍ରାସ ପାଇ ୮୧,୬୮୮ ଓ ନ୍ୟାସନାଲ ଷ୍ଟକ ଏକ୍ସଚେଞ୍ଜର ନିଫ୍ଟି ୨୦୦ ପଏଣ୍ଟ ହ୍ରାସ ପାଇ ୨୫୦୪୯ ପଏଣ୍ଟରେ ବନ୍ଦ ହୋଇଛି।

ଆଜି ବି ବଜାରରେ ବିକ୍ରି ଯୋଗୁଁ ନିବେଶକମାନେ ବ୍ୟାପକ କ୍ଷତିର ସମ୍ମୁଖୀନ ହୋଇଛନ୍ତି। ବିଏସଇ ତାଲିକାଭୁକ୍ତ ଷ୍ଟକଗୁଡ଼ିକର ବଜାର ପୁଞ୍ଜି ଗତ ଅଧିବେଶନରେ ୪୬୫.୦୫ ଲକ୍ଷ କୋଟି ଟଙ୍କାଥିବା ବେଳେ ଏହା ୪୬୧.୦୫ ଲକ୍ଷ କୋଟି ଟଙ୍କାକୁ ଖସି ଆସିଛି। ଅର୍ଥାତ୍ ଆଜିର କାରବାର ଅଧିବେଶନରେ ନିବେଶକମାନେ ୩.୭୦ ଲକ୍ଷ କୋଟି ଟଙ୍କା ହରାଇଛନ୍ତି। ଚଳିତ ସପ୍ତାହରେ ଭାରତୀୟ ଷ୍ଟକ ବଜାରର ବଜାର କ୍ୟାପ ମୋଟ ୧୭ ଲକ୍ଷ କୋଟି ଟଙ୍କା ହ୍ରାସ ପାଇଛି।