୧୦୫ ପଇସା ତଳକୁ ଖସିଲା ଟଙ୍କା

ମୁମ୍ବାଇ: ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ଭୟଙ୍କର ଭାବେ ବୃଦ୍ଧି ପାଇବା ଦ୍ବାରା ବିଭିନ୍ନ ରାଜ୍ୟରେ ଲକଡାଉନ୍ ଓ ରାତ୍ରକାଳୀନ କର୍ଫ୍ୟୁ ଘୋଷଣା କରାଯାଉଛି। ଏହାର ପ୍ରଭାବ ଟଙ୍କାର ବିନିମୟ ମୂଲ୍ୟ ଉପରେ ପଡ଼ିଛି। ବିଦେଶୀ ମୁଦ୍ରା ବିନିମୟ ବଜାର(ଇଣ୍ଟରବ୍ୟାଙ୍କ)ରେ ଡଲାର ତୁଳନାରେ ଟଙ୍କାର ମୂଲ୍ୟ ୧୦୫ ପଇସା ତଳକୁ ଖସିଯାଇଛି। ଫଳରେ ୧ ଡଲାର ମୂଲ୍ୟ ୭୪ ଟଙ୍କା ୪୭ ପଇସା ରହିଛି। ଗତକାଲି କାରବାର ଶେଷରେ ଡଲାର ମୂଲ୍ୟ ୭୩ ଟଙ୍କା ୪୨ ପଇସାରେ ବନ୍ଦ ହୋଇଥିବା‌ବେଳେ ଆଜି ଏହାର କାରବାର ୭୩ ଟଙ୍କା ୫୨ ପଇସାରୁ ଆରମ୍ଭ ହୋଇଥିଲା।