ଡିଆରଆଇ ସହଯୋଗରେ ୧୬୯୬ କିଲୋଗ୍ରାମ ଗଞ୍ଜେଇ ନଷ୍ଟ କଲା ଭୁବନେଶ୍ବର ସୀମା ଶୁଳ୍କ କମିସନରେଟ୍

ଭୁବନେଶ୍ବର:  ସୀମା ଶୁଳ୍କ (ନିବାରଣ) କମିସନରେଟ୍, ଭୁବନେଶ୍ୱର ରାଜସ୍ୱ ଗୁଇନ୍ଦା ନିର୍ଦ୍ଦେଶାଳୟ (ଡିଆରଆଇ) ସହଯୋଗରେ ୧୬୯୬.୦୩୫ କେଜି ଜବତ ଗଞ୍ଜେଇକୁ ନିଆଁ ଲଗାଇ ନଷ୍ଟ କରିଛି । ହୋଇଥିବା ୨ଟି ଭିନ୍ନ ଭିନ୍ନ ମାମଲାରେ ଏଗୁଡ଼ିକୁ ଜବତ କରାଯାଇ ଡ୍ରଗ ଡିସପୋଜାଲ କମିଟି  ତତ୍ତ୍ୱାବଧାନରେ ସେଗୁଡ଼ିକୁ ନଷ୍ଟ କରାଯାଇଛି । ସୀମା ଶୁଳ୍କ କମିଶନର ମାଧବ ମିଶ୍ରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନ ଓ ତତ୍ତ୍ୱାବଧାନରେ ଏହି ସମ୍ପୂର୍ଣ୍ଣ ନିଷ୍କାସନ କାର୍ଯ୍ୟ କରାଯାଇଥିଲା । ଉଲ୍ଲେଖନୀୟ ବିଷୟ ହେଉଛି ଯେ ଜବତ ହେବାର ମାତ୍ର ୩ ମାସ ମଧ୍ୟରେ ଏସବୁ ଗଞ୍ଜେଇକୁ ନଷ୍ଟ କରାଯାଇଛି । 
ଡିଡିସି ମୁଖ୍ୟ ତଥା ଯୁଗ୍ମ କମିଶନର ସୁଶାନ୍ତ ମିଶ୍ରଙ୍କ ନେତୃତ୍ବରେ ଏକ ସମୟବଦ୍ଧ ପ୍ରକ୍ରିୟାରେ ଏସବୁ ଗଞ୍ଜେଇକୁ ନଷ୍ଟ କରାଯାଇଥୁଲା । 

ଏହି କାର୍ଯ୍ୟାନୁଷ୍ଠାନ ପୂର୍ବରୁ ଡିଡିସି ମାନ୍ୟବର ସୁପ୍ରିମକୋର୍ଟଙ୍କ ୨୮ ଜାନୁଆରି ୨୦୧୬ ରାୟ ଓ ମାନ୍ୟବର ଓଡ଼ିଶା ହାଇକୋର୍ଟଙ୍କ ଏସଓପିର ଅନୁପାଳନ କରାଯାଇ ଉକ୍ତ ୨ଟି ମାମଲାର କାଗଜପତ୍ରଗୁଡ଼ିକୁ ଭଲଭାବରେ ଯାଞ୍ଚ କରାଯାଇଥିଲା । ସବୁ ନିୟମକୁ ପାଳନ କରି ସାନି କ୍ଲିନ ପ୍ରା ଲିଃରେ ଗଞ୍ଜେଇ ନଷ୍ଟ କରାଯାଇଥିଲା ।