ରାଜା ରଘୁବଂଶୀ ହତ୍ୟା ମାମଲାରେ ସାମ୍ନାକୁ ଆସିଛି ନୂଆ ନାମ; ଯାହାଙ୍କ ସହିତ ମାସରେ ୨୩୪ଥର କଥା ହୋଇଥିଲେ ସୋନମ

ନୂଆଦିଲ୍ଲୀ: ଇନ୍ଦୋରର ରାଜା ରଘୁବଂଶୀ ହତ୍ୟା ମାମଲାର ତଦନ୍ତ ଚାଲିଛି। ଏହି ମାମଲାରେ ସୋନମ ରଘୁବଂଶୀଙ୍କ ୩ଟି ଫୋନ୍ ରହସ୍ୟ ଉନ୍ମୋଚନ କରିବ ବୋଲି ଦାବି କରାଯାଉଛି। ରାଜାଙ୍କ ହତ୍ୟା ପରଠାରୁ ସୋନମର ତିନୋଟି ଫୋନ୍ ନିଖୋଜ ଅଛି। ହତ୍ୟା ପରେ ସୋନମ ତାଙ୍କ ଫୋନ୍ ବନ୍ଦ କରି ଆକାଶ (ରାଜାଙ୍କ ହତ୍ୟାକାରୀ) ନାମକ ତାଙ୍କ ବନ୍ଧୁଙ୍କୁ ନଷ୍ଟ କରିବା ପାଇଁ ଦେଇ ଦେଇଥିଲେ। 

ସୋନମଙ୍କ ଗୋଟିଏ ଫୋନ୍ ଇନ୍ଦୋରରେ ସକ୍ରିୟ ହୋଇଥିଲା। ସୋନମ ହ୍ୱାଟ୍ସଆପ୍ ଚେକ  କରିବା ପାଇଁ ତାଙ୍କ ସିମ୍ ସକ୍ରିୟ କରିଥିଲେ ଏବଂ ଏହା ତାଙ୍କର ଶେଷ ଭୁଲ ଥିଲା।  ମେଘାଳୟ ପୁଲିସ ଫୋନ୍ ପୁନରୁଦ୍ଧାର ପାଇଁ ଏକ ସର୍ଚ୍ଚ ଅପରେସନ୍ ଚଳାଇଛି। ଇନ୍ଦୋର, ଗୌହ୍ବାଟି ଏବଂ ଉତ୍ତରପ୍ରଦେଶର ଅନେକ ଜିଲ୍ଲାରେ ସର୍ଚ୍ଚ ଅପରେସନ୍ ଚାଲିଛି। 
ସୋନମ ନିଜେ ରାଜାଙ୍କ ଫୋନ୍ ଭାଙ୍ଗି ଦେଇ ଅଭିଯୁକ୍ତ ବିଶାଲଙ୍କୁ ଦେଇଥିଲେ। ବିଶାଲ ଫୋନଟିକୁ ଖାଲରେ ଫିଙ୍ଗି ଦେଇଥିବା ନିଜେ ସ୍ବୀକାର କରିଛନ୍ତି।

ରାଜା ରଘୁବଂଶୀ ହତ୍ୟା ମାମଲା ସହିତ ଜଡ଼ିତ ଏକ ନୂଆ ନାମ ସାମ୍ନାକୁ ଆସିଛି।। ଏହି ସମ୍ପୂର୍ଣ୍ଣ ମାମଲା ମଧ୍ୟରେ ସୋନମ ସଞ୍ଜୟ ବର୍ମା ନାମକ ଜଣେ ବ୍ୟକ୍ତିଙ୍କ ସହିତ ଗୋଟିଏ ମାସ ମଧ୍ୟରେ ୨୩୪ଥର କଥାବାର୍ତ୍ତା ହୋଇଥିବା ତଦନ୍ତରୁ ଜଣାପଡ଼ିଛି। 

ମାର୍ଚ୍ଚ ୧ ରୁ ଏପ୍ରିଲ ୮ ମଧ୍ୟରେ ସୋନମ ସଞ୍ଜୟ ବର୍ମାଙ୍କ ନାମରେ ଥିବା ନମ୍ବରରେ ଅନେକ ଥର କଥା ହୋଇଛନ୍ତି। ନମ୍ବରଟି ଜୁନ୍ ୮ ତାରିଖ ୧୧:୨୦ ରେ ଅଫ୍ ଲାଇନ ହୋଇଯାଇଥିବା ବେଳେ ସୋନମଙ୍କୁ ଜୁନ୍ ୮ ତାରିଖ ରାତିରେ ଗାଜିପୁରରେ ପାଇଥିଲା ପୁଲିସ।

ସୋନମ କଥା ହୋଇଥିବା ଫୋନ  ନମ୍ବରଟିକୁ ପୁଲିସ ଯାଞ୍ଚ କରୁଛି। ଏହାର କୌଣସି ସରକାରୀ ନିଶ୍ଚିତକରଣ ହୋଇନାହିଁ। ସିମ୍ ଟି ନକଲି ନାମରେ ହେବାର ସମ୍ଭାବନା ମଧ୍ୟ ରହିଛି।

ଅନ୍ୟପକ୍ଷରେ, ସିଲଂ ପୁଲିସର ଏକ ଦଳ ମଙ୍ଗଳବାର ଇନ୍ଦୋରରେ ରାଜା ରଘୁବଂଶୀଙ୍କ ଘରେ ପହଞ୍ଚିଛି।  ଅଧିକାରୀମାନେ ରାଜାଙ୍କ ପରିବାର ସହିତ କଥା ହୋଇ ସୋନମଙ୍କ ଆଚରଣ ଏବଂ ବିବାହ ପରେ ଇନ୍ଦୋରରେ ସେ ବିତାଇଥିବା ଦିନଗୁଡ଼ିକ ବିଷୟରେ ପଚାରି ବୁଝିଥିଲେ।