ବିଚାରପତିଙ୍କ ପତ୍ନୀ ଓ ପୁତ୍ରକୁ ଗୁଳି କଲା ବ୍ୟକ୍ତିଗତ ସୁରକ୍ଷା କର୍ମୀ

ନୂଆଦିଲ୍ଲୀ: ଦିଲ୍ଲୀର ଗୁରୁଗ୍ରାମରେ ଘଟିଛି ଏକ ଅଭାବନୀୟ ଘଟଣା। ଜଣେ ବିଚାରପତିଙ୍କ ପତ୍ନୀ ଓ ପୁତ୍ରଙ୍କୁ ଗୁଳି କରି ଆହତ କରିଛି ସେମାନଙ୍କ ସୁରକ୍ଷା ଦାୟିତ୍ୱରେ ଥିବା ବନ୍ଧୁକଧାରୀ ଗାର୍ଡ। ଘଟଣା ଶନିବାର ଗୁରୁଗ୍ରାମର ଆର୍କାଡିଆ ମାର୍କେଟରେ ଘଟିଛି। ଗୁଳିକାଣ୍ଡ ପରେ ପୁଲିସ ଦେହରକ୍ଷୀକୁ ଗିରଫ କରିନେଇଛି।

ଗୁରୁଗ୍ରାମର ସେକ୍ଟର ୪୯ରେ ରହୁଥିବା ଜଣେ ଆଡିସନାଲ୍‌ ସେସନ୍ସ ଜଜ୍‌ଙ୍କ ପତ୍ନୀ ଓ ପୁତ୍ରଙ୍କ ଶରୀରରେ ଗୁଳି ବାଜିବା ପରେ ସେମାନଙ୍କୁ ହସ୍ପିଟାଲ୍‌ରେ ଭର୍ତ୍ତି କରାଯାଇଛି। ପୂର୍ବ ଗୁରୁଗ୍ରାମର ଡେପୁଟି ପୁଲିସ କମିସନର ଏହି ସୂଚନା ଦେଇଛନ୍ତି।

ସୁରକ୍ଷା କର୍ମଚାରୀ ଜଣକ କାହିଁକି ଗୁଳି ଚଳାଇଲା ତାହା ତଦନ୍ତ କରାଯାଉଛି। ଘଟଣାସ୍ଥଳକୁ ଫୋରେନ୍ସିକ୍‌ ଟିମ୍‌ ପଠାଯାଇଛି।