ବଜ୍ରାଘାତରେ ୧୦ ବର୍ଷର ବାଳିକା ମୃତ

ଯଶିପୁର: ଆଜି ଅପରାହ୍ନ ୪ଟା ବେଳେ ଘଡ଼ଘଡ଼ି ବର୍ଷା ହୋଇଥିଲା। ଏହି ସମୟରେ ବଜ୍ରାଘାତରେ ମୟୂରଭଞ୍ଜ ଜିଲ୍ଲା ରୁଗୁଡ଼ି ପଞ୍ଚାୟତ ରୁଗୁଡ଼ି ଗ୍ରାମ ନୂଆସାହିର ଜଣେ ୧୦ ବର୍ଷର ବାଳିକାଙ୍କ ମୃତ୍ୟୁ ଘଟିଛି। ସେ ହେଉଛନ୍ତି; ରୁନା ନାଏକଙ୍କ ଝିଅ ମୋନାଲିସା। ମୋନାଲିସା ପାଣି ଆଣିବାକୁ ଯାଇଥିବା ବେଳେ ଦୁର୍ଘଟଣା ଘଟିଥିଲା। ଫଳରେ ତାଙ୍କୁ ଯଶିପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିଲା। ହେଲେ ସେତେବେଳେକୁ ତାଙ୍କର ମୃତ୍ୟୁ ହୋଇସାରିଥିଲା।