ଗ୍ୟାସଟାଙ୍କି ଫାଟି ୪ ବଖରା ଭସ୍ମୀଭୂତ

ଆଳି: ଆଜି ସଂଧ୍ୟାରେ ଆଳି ବ୍ଲକ ଧୋୟାଞ୍ଚଳର ପେତପଡା ଗ୍ରାମରେ ଆକସ୍ମିକ ଅଗ୍ନିକାଣ୍ଡ ଘଟି ୩ ପରିବାରର ୪ ବଖରା ଘର ସମେତ ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ି ପାଉଁଶ ହୋଇଯାଇଛି। ଘଟଣାରୁ ଜଣାପଡିଛି ଯେ, ପେତପଡା ଗ୍ରାମର ବାବୁରାମ ଦାସ, କେଶବ ଦାସ, ଦୂତୀ ପରିଡାଙ୍କର ୪ ବଖରା ଘର ଆକସ୍ମିକ ଅଗ୍ନିକାଣ୍ଡରେ ପୋଡି ଯାଇଛି।

ଘର ଭିତରେ ଥିବା ଧାନ, ଚାଉଳ, ଆସବାବପତ୍ର ସମେତ ସମସ୍ତ ସମ୍ପତ୍ତି ପୋଡି ନଷ୍ଟ ହୋଇଯାଇଛି। ରୋଷେଇ ସମୟରେ ଗ୍ୟାସ ଟାଙ୍କି ଫାଟି ଏହି ଅଗ୍ନିକାଣ୍ଡ ଘଟିଥିବା କୁହାଯାଉଛି।