ମାଲକାନଗିରି: ମାଓ ସଂଗଠନର ତେଲେଙ୍ଗାନା ଏରିଆ କମିଟି ତରଫରୁ ପ୍ରେସ ବିଜ୍ଞପ୍ତି ପ୍ରଦାନ କରାଯାଇ କୁହାଯାଇଛି ଯେ ଗତ ୧ ତାରିଖ ଦିନ ସୀମାନ୍ତରେ ହୋଇଥିବା ଏନକାଉଣ୍ଟର ମିଥ୍ୟା ଥିଲା।  

Advertisment

ସୂଚନାକୁ ଆଧାର କରି ତେଲେଙ୍ଗାନା ଗ୍ରେହାଉଣ୍ଡ ପୁଲିସ ଡିସେମ୍ବର ୧ ତାରିଖରେ ମୁଲୁଗୁ ଜିଲ୍ଲାର ଚାଲୁଚା ଗ୍ରାମ ପଞ୍ଚାୟତ ଅନ୍ତର୍ଗତ ଇଟୁର ନାଗରାମ ମଣ୍ଡଳର ଜଙ୍ଗଲରେ ୭ ଜଣ ବିପ୍ଳବୀଙ୍କୁ ବିଷ ଦିଆଯାଇଥିଲା ବୋଲି ସଚିବ ଜଗନ ପ୍ରେସ ବିଜ୍ଞପ୍ତିରେ ଅଭିଯୋଗ କରିଛି।

୩୦ ନଭେମ୍ବର ସନ୍ଧ୍ୟାରେ ଆମର ସାତଜଣିଆ ବାହିନୀ ଚାଲଚାକା ପଞ୍ଚାୟତର ପ୍ରବାସୀ ଆଦିବାସୀ ଗ୍ରାମର ଗ୍ରାମବାସୀ ସହ ମିଶି ଏକତ୍ର ଭୋଜନ କରିବାକୁ କହିଥିଲେ। ଜଣେ ସୂଚନାଦାତା ଯିଏ ପୂର୍ବରୁ ପୁଲିସର ଚାଟୁକାର ହୋଇଥିଲେ ସେ ବିପ୍ଲବୀଙ୍କ ଖାଦ୍ୟରେ ବିଷ ମିଶାଇଥିଲେ। ଯାହାଫଳରେ ବିପ୍ଲବୀମାନେ ଚେତା ହରାଇଲେ।

ଚେତାଶୂନ୍ୟ ଥିବା ସାଥୀମାନଙ୍କୁ ଭୋର ସକାଳ ୪ଟା ସମୟରେ ପୁଲିସ ନିର୍ଯାତନା ଦେଇଥିଲା। ଶତ୍ରୁଙ୍କ ଏଭଳି ଯୋଜନାରେ ଆମର କ୍ୟାଡର ସାଥୀ କୁରୁସାମ ମାଙ୍ଗୁ ଅରଫ ପପାନ୍ନା,ତେଲେଙ୍ଗାନା ରାଜ୍ୟ କମିଟି ସଦସ୍ୟ ବଦ୍ରୁ,ଇଗୋଲାପୁ ମଲାଇୟା,ଆଞ୍ଚଳିକ କମ୍ପାନୀ-୨ର ଦ୍ୱିତୀୟ ପ୍ଲାଟୁନ୍ ସଦସ୍ୟ କର୍ଣ୍ଣମ କମଲ, କେ.ଜୟସିଂହ ଧରାପଡିଥିଲେ। ପୁଲିସ ନିର୍ଯାତନାରେ ସେମାନଙ୍କର ମୃତ୍ୟୁ ଘଟିଥିଲା

ଡିସେମ୍ବର ୯ ତାରିଖରେ ତେଲେଙ୍ଗାନା ରାଜ୍ୟ କମିଟି ରାଜ୍ୟବ୍ୟାପୀ ବନ୍ଦ ଡାକରା ଦେଇ କଂଗ୍ରେସ ସରକାରଙ୍କ ଏହି ନିର୍ମମ ହତ୍ୟାକୁ ଦୃଢ ନିନ୍ଦା କରିଛି। ସମସ୍ତ ଗରିବ ଲୋକ,ଗଣତାନ୍ତ୍ରିକ, ବିଦ୍ୟାଳୟ ଏବଂ ଅନ୍ୟାନ୍ୟ ବ୍ୟବସାୟିକ ସଂଗଠନକୁ ବନ୍ଦ ପାଳନ କରିବା ଏବଂ ସହଯୋଗ କରିବା ପାଇଁ ଅନୁରୋଧ କରାଯାଇଛି।

Mkg naxal press note (2)

ଏହି ଘଟଣା ପାଇଁ କଂଗ୍ରେସ ସରକାର ଏବଂ କଂଗ୍ରେସ ଦଳର ନେତାମାନେ ନିଜକୁ ସମ୍ପୂର୍ଣ୍ଣ ଦାୟୀ ବୋଲି କହିବା ଉଚିତ୍। ଏହି ଘଟଣାରେ ନ୍ୟାୟିକ ତଦନ୍ତ କରାଯିବା ଉଚିତ ଏବଂ ଦୋଷୀ ପୁଲିସ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ। ରାଜ୍ୟରେ କଂଗ୍ରେସ ଦଳ  ନିଜର ଲାଭ ପାଇଁ ଏଭଳି ହିଂସା ଘଟାଉଛି।

ଅଧିକ ପଢ଼ନ୍ତୁ: ହୋଟେଲ୍‌ ପାଲଟିଛି ପ୍ରେମୀଯୁଗଳ, ଜୁଆଡ଼ିଙ୍କ ଆଡ୍ଡା

ଏହାର ଏକ ଅଂଶ ଭାବରେ, ମାଓବାଦୀ ଦଳ ତଥା ଦଳର ନେତୃତ୍ୱକୁ ଟାର୍ଗେଟ କରି ଅପରେସନ୍ କଗାର ଜାରି ରଖାଯାଉଛି। ଯାହା ଜନ ବିରୋଧୀ ନୀତିରେ ବାଧା ସୃଷ୍ଟି କରିଥିବା ଜନ ଆନ୍ଦୋଳନକୁ ଦମନ କରିବା ପାଇଁ ସଂଗ୍ରାମର ନେତୃତ୍ୱ ନେଉଛି।ଡେମେରାଟୋଗୁ,ରଘୁନାଥପାଲେମ,ପୋଲ କାମମା ଭାଗୁ ପରି ଅନେକ ସ୍ଥାନରେ ଏନକାଉଣ୍ଟର ନାମରେ ପୁଲିସ ହତ୍ୟାକାଣ୍ଡ ଘଟାଉଛନ୍ତି।

ଆମେ ଚାହୁଁ ଯେ ଲୋକ, ଗଣତାନ୍ତ୍ରିକ କାର୍ଯ୍ୟକର୍ତ୍ତା ଏବଂ ବୁଦ୍ଧିଜୀବୀମାନେ କଂଗ୍ରେସ ଦଳର ଏହି ନିଷ୍ଠୁର ଆକ୍ରମଣକୁ ଦୃଢ ନିନ୍ଦା କରନ୍ତୁ ବୋଲି ମାଓ ସଂଗଠନର ସଚିବ ଜଗନ ଆହ୍ବାନ କରିଛି।

ଅଧିକ ପଢ଼ନ୍ତୁ: ସରକାର ଆଣିଲେ ନୂଆ ବିଲ୍: ପରୀକ୍ଷାରେ ହେରଫେର୍ କଲେ କୋଟିଏ ଜରିମାନା