ଦୁଇ ବାଇକ୍ ମୁହାଁମୁହିଁ ଧକ୍କା, ୩ ଗୁରୁତର

ଜୟପାଟଣା: କଳାହାଣ୍ଡି ଜିଲ୍ଲା ଜୟପାଟଣା-ମୁଖୀଗୁଡ଼ା ମୁଖ୍ୟ ରାସ୍ତାର ହାତୀ ବ୍ରିଜ ନିକଟରେ ଦୁଇଟି ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଏଥିରେ ୩ ଜଣ ବାଇକ୍ ଆରୋହୀ ଗୁରୁତର ହୋଇଛନ୍ତି। ମଙ୍ଗଳପୁର ପଞ୍ଚାୟତ ଘେନୁଗୁଡ଼ା ଗ୍ରାମର ଭୀମ ନାଏକ ଓ ଦୁର୍ଜନ ନାଏକ ଏକ ବାଇକ୍ (ଓଡି ୦୮ଜି-୫୨୬୩)ରେ ଜୟପାଟଣା ପଟକୁ ଆସୁଥିଲେ।

ଏହି ସମୟରେ ବିପରୀତ ଦିଗରୁ ଫୁଣ୍ଡା ଗ୍ରାମର ଆକାଶ ଘି ଅନ୍ୟ ଏକ ବାଇକ୍ (ଓଡି ୦୮ଏମ୍‌- ୫୮୧୩)ରେ ଆସୁଥିବା ବେଳେ ଉକ୍ତ ସ୍ଥାନରେ ଉଭୟ ବାଇକ୍ ମଧ୍ୟରେ ଧକ୍କା ହୋଇଥିଲା। ଏଥିରେ ସମସ୍ତ ତିନି ଜଣ ଗୁରୁତର ହୋଇଥିବା ବେଳେ ଜୟପାଟଣା ସ୍ବାସ୍ଥ୍ୟକେନ୍ଦ୍ରକୁ ନିଆଯାଇଥିଲା। ସେଠାରେ ପ୍ରାଥମିକ ଚିକିତ୍ସା ପରେ ଭବାନୀପାଟଣା ଜିଲ୍ଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା।