ଓଲଟିଲା ପିକନିକ୍ ଯାଉଥିବା ପିକଅପ୍ ଭ୍ୟାନ୍: ୬ ନାବାଳକ ଓ ୪ ମହିଳା ଗୁରୁତର, ୧୫ ଆହତ

ଟିଟିଲାଗଡ଼: ବଲାଙ୍ଗୀର ଜିଲ୍ଲାରେ ଆଜି ସକାଳେ ଏକ ସଡ଼କ ଦୁର୍ଘଟଣା ଘଟିଛି। ସୂଚନ‌ା ଅନୁଯାୟୀ, ଟିଟିଲାଗଡ଼ ନିକଟସ୍ଥ ପତରକେଲା ରେଲୱେ ଫାଟକ ନିକଟରେ ଏକ ପିକ୍ଅପ୍‌ ଭ୍ୟାନ୍ ଓଲଟିବା ଫଳରେ ୬ ନାବାଳକ ଓ ୪ ଜଣ ମହିଳା ଗୁରୁତରହୋଇଥିବା ବେଳେ ୧୫ ଜଣ ଆହତ ହୋଇଛନ୍ତି।  ଗୁରୁତରମାନଙ୍କୁ ପ୍ରଥମେ ଟିଟଲାଗଡ଼ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ସେମାନଙ୍କୁ ବଲାଙ୍ଗୀର ଭୀମଭୋଇ ମେଡିକାଲ କଲେଜ୍ ଆଣ୍ଡ ହସ୍ପିଟାଲକୁ ସ୍ଥାନାନ୍ତର କରାଯାଇଛି।

ହଳଦୀରୁ ବାହାରି କଳାହାଣ୍ଡି ଜିଲ୍ଲା ଗୁରୁଜୀମୁଣ୍ଡାକୁ ପିକନିକ୍‌ କରିବାକୁ ଆଜି ସକାଳୁ ଗାଁର ପ୍ରାୟ ୩୦ଜଣ ଏକ ପିକଅପ୍ ଭ୍ୟାନରେ ଯାଉଥିବା ବେଳେ ଭ୍ୟାନ୍ ଦୁର୍ଘଟଣାଗ୍ରସ୍ତ ହୋଇଥିଲା।