୨ ବସ୍ତା ଗଞ୍ଜେଇ ସହ କାର୍‌ ଓ ବାଇକ ଜବତ: ୩ କୋର୍ଟ ଚାଲାଣ

ପଦ୍ମପୁର: ପଦ୍ମପୁର ଥାନା ଜମଲା ଗଁା ପାଖରୁ ଗୋଟିଏ ମାରୁତି ଭ୍ୟାନ୍‌ରେ ଆସୁଥିବା ୨ ବସ୍ତା ଗଞ୍ଜେଇ ଜବତ କରାଯିବା ସହ ଏଥିରେ ସଂପୃକ୍ତ ଥିବା ୩ ଜଣଙ୍କୁ କୋର୍ଟ ଚାଲାଣ କରାଯାଇଛି। କାର୍‌ ସହ ୨ଟି ମୋଟର ସାଇକେଲ ମଧ୍ୟ ଜବତ କରାଯାଇଛି। ଘଟଣାର ମୁଖ୍ୟ ଅଭିଯୁକ୍ତ ବୌଦ୍ଧ ଜିଲ୍ଲା ନାରାୟଣ ପ୍ରସାଦ ଗଁାର ସୁରେଶ ସେଠ୍‌, ବଲାଙ୍ଗୀର ଜିଲ୍ଲା କୁଟ୍ରାପାଲି ଗଁାର ପ୍ରେମାନନ୍ଦ ସାହୁ ଓ ବରଗଡ଼ ଜିଲ୍ଲା ବୁଡ଼େନ ଥାନା ବନ୍ଦୁପାଲି ଗଁାର ନିଧେଶ୍ବର ମେହେରଙ୍କୁ ପୁଲିସ୍‌ ଗିରଫ କରିଛି। ପଦ୍ମପୁର ଥାନା କେସ୍ ନଂ ୧୦୭ରେ ମାମଲା ରୁଜୁ କରାଯାଇ ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଛି ବୋଲି ଏସ୍‌ଡିପିଓ ପ୍ରଦୀପ ସାହୁ ସୂଚନା ଦେଇଛନ୍ତି।